Այսօր՝ հունիսի 14-ին, կրակոցներ են հնչել Երևանում։ Ժամը 22։00-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում և Երևանի քրեական վարչությունում օպերատիվ տեղեկություններ են ստացվել, որ Պռոշյան փողոցում հայտնի «Ուրարտու» ռեստորանային համալիրի տարածքում կրակոցներ են հնչել և կա վիրավոր։

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր են ժամանել Երևանի քրեական ոստիկանության վարչության պետ Հայկ Հարությունյանը, վարչության պետի տեղակալ Հարություն Դանիելյանը։

Ժամանել են նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատար Արմեն Գասպարյանի գլխավորությամբ։

Տեղում «Ուրարտու» ռեստորանային համալիրի բակում հայտնաբերվել է 4 կրակված և 1 չկրակրված պարկուճներ, արնանման հետքեր և «Opel» մակնիշի կայանված ավտոմեքենա, որի վրա նույնպես առկա է կրակոցի հետք։

Մինչ դեպքի վայր կժամանեին ոստիկանները ու պարեկները, «Նաիրի» բժշկական կենտրոնից ՀՀ ՆԳՆ ոստիկանության Համայնքային ոստիկանության գլխավոր վարչության Կենտրոնական բաժին ահազանգ է ստացվում, որ հրազենային վնավսածքով իրենց մոտ է տեղափոխվել մի քաղաքացի։

Այս պահին հիվանդանոց է մեկնում ոստիկանության Կենտրոնական բաժնի հերթապահ խումբը՝ բաժնի պետ Երվանդ Նիկոյանի գլխավորությամբ։

Դեպքի մասին ոստիկանության Կենտրոնական բաժնից տեղեկությունը փոխանցել ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների 3-րդ քննչական բաժին, որտեղից Գ․ Շամշյանի տեղեկություններով հիվանդանոց է մեկնել նաև քննչական խումբը։

Դեպքի փաստով քննչական բաժնում սպանության փորձ հատկանիշներով նախաձեռնվել է քրեական վարույթ։

Ոստիկանները ու քննիչները պարզում են վիրավորի ինքնությունը, ինչպես նաև դեպքի հանգամանքները  ու ձեռնարկում են անրաժեշտ օպերատիվ հետախուզական և քննչական համատեղ գործողություններ դեպքի հանգամանքները պարզելու, կրակոցներ արձակողի ինքնությունը ճշտելու նրան և հանցագործության գործիք հրազենը հայտնաբերելու ուղղությամբ։
Դեպի վայր է ժամանել նաև ՀՀ Քննչական կոմիտեի փորձաքրեագետը։

168.am-ի հավաստի տեղեկություններով` երեկ կալանավորվել է Շենգավիթի` արդեն նախկին թաղապետ Ռազմիկ Մկրտչյանը` ըստ լուրերի թաղապետարանի աշխատակիցներից մեկին ծեծելու համար։

Ռազմիկ Մկրտչյանը ՔՊ -ական ամենաերկար պաշտոնավարող վարչական շրջանի ղեկավարն էր, ով աշխատանքից ազատվել էր օրեր առաջ` ներթիմային ինչ-որ  «ռազբորկաների» արդյունքում։ Շենգավիթի վարչական շրջանի ղեկավարն էր` սկսած 2018թ-ից։

Փաստորեն ՔՊ-ի մոտ թաղապետ աշխատողների համար մարդ ծեծելը սովորական բան է։

Վարդան Ոսկանյանը գրում է.  «Իրանական աղբյուրները հաստատում են, որ ժամեր առաջ իսրայելական 2 ԱԹՍ-ի հարվածից վնասվել են «Հարավային Փարս» և «Ֆաջր-ե Ջամ» գազային ենթակառուցվածքները, հրդեհը չեզոքացվել է։

Իսրայելական հարձակում է իրանակացվել նաև Ուրմիայի ռազմակայանի դեմ, հասցված վնասի չափի մասին տեղեկատվություն չկա։

Իրանի կենտրոնական հատվածում գտնվող Ղոմ նահանգում խոցվել է իսրայելական 3 ԱԹՍ։

Նեթանյահուն սպառնացել է, որ իսրայելական օդանավերը կհայտնվեն Թեհրանի երկնքում։

Արհեստածին Ադրբեջանի արտգործնախարարը վստահեցրել է իրանցի գործընկերոջը, որ իր պետության տարածքը չի օգտագործվի Իրանի դեմ հարձակումների նպատակով»։

Նարեկ Մալյանը գրում է.  «Իրականում իրենց ընդդիմադիր համարողները իմպիչմենտի նախաձեռնությանը միանալու համար երկար ժամանակ չունեն:

Փողոցի գեներացիան որպես միանալու նախապայման առաջ քաշողները հուսով եմ հասկանում են, որ եթե փողոցը սկսվի մինչև ընդդիմության միավորվելը, այդ դեպքում փողոցը կլինի նաև չմիացած «ընդդիմադիրների» դեմ:

Իսկ իմպիչմենտի պահանջով փողոց անպայման լինելու է: Անպայման…»։

Պուտինը և Թրամփը 50 րոպե տևողությամբ հեռախոսազրույց են ունեցել, հայտնել է ՌԴ նախագահի օգնական Ուշակովը։

Քննարկել են Մերձավոր Արևելքում սրվող իրավիճակը։ Պուտինը դատապարտել է Իսրայելի ռազմական գործողությունը Իրանի դեմ։ Նա Թրամփին տեղեկացրել է նախորդ օրը Իրանի նախագահի և Իսրայելի վարչապետի հետ ունեցած հեռախոսազրույցների մասին։ Պուտինը Թրամփին հիշեցրել է Ռուսաստանի առաջարկը՝ Իրանի միջուկային դոսյեի շուրջ փոխադարձաբար ընդունելի համաձայնություններ գտնելու վերաբերյալ։

Թրամփը Մերձավոր Արևելքում ստեղծված իրավիճակը գնահատել է որպես շատ մտահոգիչ։ Նախագահները չեն բացառել Իրանի միջուկային ծրագրի շուրջ բանակցային գործընթացին վերադառնալը։

Ռուսաստանի նախագահը հայտարարել է Իսրայելի և Իրանի միջև միջնորդ լինելու Ռուսաստանի պատրաստակամության մասին։

ԱՄՆ նախագահն Իսրայելի կողմից Իրանի վրա հարվածներն անվանել է արդյունավետ։

Թուրքիայի և Ադրբեջանի նախագահները հեռախոսազրույց են ունեցել։

Էրդողանն ու Ալիևը մտահոգություն են հայտնել Իրանի և Իսրայելի միջև իրավիճակի սրման վերաբերյալ և ընդգծել են խնդիրները բանակցությունների միջոցով լուծելու կարևորությունը։

Այն փաստը, որ Իսրայելը Իրանին հարվածները համակարգել է ԱՄՆ-ի հետ իրանական միջուկային ծրագրի շուրջ բանակցությունների ամենաթեժ ժամանակ, փաստում է, որ Վաշինգտոնը վստահելի չէ: Այս մասին Պակիստանի վարչապետ Շահբազ Շարիֆի հետ զրույցում ասել է Իրանի նախագահ Մասուդ Փեզեշքիանը։շ

«Իրանի տարածք ներխուժելու Սիոնիստական ​​ռեժիմի գործողությունները ԱՄՆ-ի հետ համակարգելը բանակցությունների ամենաթեժ շրջանում, ԱՄՆ-ի անազնվության և ոչ վստահելի լինելու նշան է», – ասել է Փեզեշքիանը:

Ըստ Իրանի նախագահի՝ Իսրայելն էլ ավելի հզոր պատասխան կստանա, եթե շարունակի իր ագրեսիան Իրանի դեմ։

ՌԴ և ԱՄՆ առաջնորդներ Վլադիմիր Պուտինի և Դոնալդ Թրամփի հեռախոսազրույցի ընթացքում Պուտինը Թրամփին հիշեցրել է Իրանի միջուկային դոսյեի շուրջ փոխընդունելի պայմանավորվածություններ գտնելու Ռուսաստանի առաջարկի մասին։

Թրամփը Մերձավոր Արևելքում տիրող իրավիճակը մտահոգիչ է գնահատել: Առաջնորդները չեն բացառել Իրանի միջուկային ծրագրի շուրջ բանակցային ուղուն վերադառնալը։

ԱՄՆ նախագահ Դոնալդ Թրամփը հայտարարել է նաև, որ ԱՄՆ-ի բանակցողները պատրաստ են վերսկսել միջուկային խնդրի շուրջ իրանցիների հետ աշխատանքը։