Ֆրանսիայի նախագահ Էմանուել Մակրոնն Իրանի նախագահ Մասուդ Փեզեշքիանի հետ հեռախոսազրույցում կոչ է արել պահպանել Միջուկային զենքի չտարածման մասին պայմանագիրը և համագործակցել Ատոմային էներգիայի միջազգային գործակալության (ԱԷՄԳ) հետ։ Այս մասին Մակրոնը գրել է X-ի իր էջում։
«Իմ հիմնական ուղերձներն էին՝ Միջուկային զենքի չտարածման մասին պայմանագրի պահպանումը և ԱԷՄԳ-ի աշխատանքների անհապաղ վերսկսումը Իրանում՝ լիակատար թափանցիկություն ապահովելու համար»,- ասվում է գրառման մեջ։
Երկու երկրների նախագահները, մասնավորապես, քննարկել են նաև Իրանի և Իսրայելի միջև հրադադարի պահպանման և միջուկային ծրագիրը քննարկելու համար բանակցությունների սեղանի շուրջ վերադառնալու հարցերը
Հիշեցնենք՝ Իրանի խորհրդարանը քվեարկել էր ԱԷՄԳ-ի հետ համագործակցությունը դադարեցնելու օգտին։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ:
Եվրոյի առքի առավելագույն արժեքն է 446 դրամ, վաճառքի նվազագույն արժեքը՝ 455 դրամ:
Ռուսական ռուբլու առքի առավելագույն արժեքն է 4.84 դրամ, վաճառքի նվազագույն արժեքը՝ 4.96 դրամ:
Գերմանիայի արտգործնախարար Յոհան Վադեֆուլը ժամանել է Կիև՝ քննարկելու Ուկրաինային աջակցության հարցերը Ռուսաստանի հետ պատերազմի պայմաններում։ Նրան կայարանում դիմավորել է Գերմանիայի դեսպանը։
«Ուկրաինայի ազատությունն ու ապագան մեր արտաքին և անվտանգության քաղաքականության կարևորագույն խնդիրն են»,-ասել է նա:
Իրանը կարող է դեռևս ունենալ ևս մեկ գործող միջուկային օբյեկտ, մենք գիտեինք, որ նրանք ունեն բազմաթիվ օբյեկտներ, գուցե երեք գումարած մեկը, բայց երեքն են հիմնականները։ Այս մասին հայտարարել է ԱՄՆ նախագահ Դոնալդ Թրամփը Fox News-ին տված հարցազրույցում։
Միևնույն ժամանակ, Reuters-ը, հղում անելով ԱԷՄԳ-ի աղբյուրներին, գրում է, որ Իրանի միջուկային օբյեկտներին ԱՄՆ-ի հարվածներից հետո կազմակերպության տեսադաշտից անհետացել է մոտ 400 կգ հարստացված ուրան։ ԱԷՄԳ-ն կարծում է, որ միջուկային վառելիքը կարող էր թաղված լինել ավերակների տակ կամ տեղափոխվել գաղտնի վայր, հաղորդում է DW-ն։ Միևնույն ժամանակ, կազմակերպության գնահատականներով, հարստացված ուրանի նման պաշարները բավարար են Իրանի համար առնվազն ինը միջուկային մարտագլխիկ ստեղծելու համար։
Թրամփը նախկինում բազմիցս վստահեցրել է, որ ԱՄՆ-ի հարձակումը Իրանի օբյեկտների վրա ամբողջությամբ ոչնչացրել է երկրի միջուկային ծրագիրը։ Այս պնդումները կասկածի տակ դնող լրատվամիջոցները քննադատության և չարաշահումների են ենթարկվել Թրամփի և նրա վարչակազմի կողմից։
Կալիֆոռնիայում տեղի ունեցող խոշոր հրդեհները բազմաթիվ բնակիչների ստիպել են լքել իրենց տները
Հունիսի 30, 2025Կալիֆոռնիայում (ԱՄՆ) հզոր հրդեհներ բռնկվել են։ Ամերիկյան լրատվամիջոցները հաղորդում են, որ շատ բնակիչներ լքում են իրենց տները և տեղավորվում ապաստարաններում։
Հրշեջները, ինքնաթիռների աջակցությամբ, ամբողջ գիշեր պայքարել են արագ տարածվող կրակի դեմ։ Հրդեհը դեռևս մարվում է։
Շատ շրջաններում ուժի մեջ են տարհանման կանոնները, բաց են բնակիչների և կենդանիների համար նախատեսված ապաստարանները։
Հրդեհների պատճառը դեռևս անհայտ է։
«Բավարիան» հաղթանակ է տարել բրազիլական «Ֆլամենգոյի» նկատմամբ Աշխարհի ակումբային առաջնության 1/8 եզրափակիչում, որն անցկացվում է ԱՄՆ-ում։
Մայամիում կայացած խաղն ավարտվել է մյունխենյան ակումբի հաղթանակով՝ 4:2։ «Բավարիայի» կազմում դուբլ է ձևակերպել Հարի Քեյնը (9-րդ և 73-րդ րոպեներ), մեկ գոլ խփել է Լեոն Գորեցկան (41-րդ րոպե), իսկ ևս մեկ գնդակ սեփական դարպասն է ուղարկել «Ֆլամենգոյի» խաղացող Էրիկ Պուլգարը (6-րդ րոպե)։ Բրազիլական թիմի կազմում աչքի են ընկել Ժերսոնը (33-րդ րոպե) և Ժորժինյոն (54-րդ րոպե, 11-մետրանոց)։
Քառորդ եզրափակչում «Բավարիան» հուլիսի 5-ին Ատլանտայում կմրցի ՊՍԺ-ի հետ։
Հունիսի 30-ին՝ ժամը 00:51-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ավանի 6-րդ փողոցում այրվում է ավտոմեքենա։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 01։16-ին, մարվել՝ 01։20-ին։
Այրվել է Renault մակնիշի ավտոմեքենան։
«Հյուսիս-հարավի» Քաջարան-Ագարակ հատվածի շինարարությունն ընթանում է ակտիվ տեմպերով (վիդեո)
Հունիսի 30, 2025Հյուսիս-հարավ ճանապարհի Քաջարան-Ագարակ 32 կիլոմետրանոց հատվածի շինարարությունն ընթանում է ակտիվ տեմպերով։ Այս մասին հայտնում են «Ճանապարհային դեպարտամենտ» հիմնադրամից։
Շարունակվում են հողային աշխատանքները, տրանսպորտային օբյեկտների կառուցումը և այլն։
Թրամփը չափազանցնում է, նրա խոսքերի հետևում կա մեկ այլ ճշմարտություն. Իրանի գերագույն առաջնորդ
Հունիսի 30, 2025ԱՄՆ նախագահը չափազանցրել է տեղի ունեցածի նկարագրությունը՝ իր սեփական նպատակների համար։ Իրանի գերագույն առաջնորդ Ալի Խամենեին այս մասին գրել է սոցիալական ցանցերում։
«Նրա խոսքերը լսած յուրաքանչյուր ոք հասկանում է, որ այս խոսքերի հետևում կա մեկ այլ ճշմարտություն։ Նրանք ոչինչ չէին կարող անել և չափազանցրել են ճշմարտությունը թաքցնելու և գաղտնի պահելու համար», - նշել է նա։
Երևանում հուլիսի 2-ի երեկոյան, հուլիսի 3-ին գիշերը և երեկոյան ժամերին քաղաքի առանձին հատվածներում հնարավոր է, հունիսի 30-ի կեսօրից հետո սպասվում է կարճատև անձրև և ամպրոպ, ամպրոպի ժամանակ և երեկոյան ժամերին քամու ուժգնացում՝ 17-20մ/վրկ։ Հուլիսի 1-ին և 4-ին սպասվում է առանց տեղումների եղանակ։
Մարզերում հունիսի 30-ին, հուլիսի 1-ին և 3-ին գիշերը և կեսօրից հետո, հուլիսի 2-ին կեսօրից հետո, 4-ի գիշերը առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 2-ի գիշերը, 4-ի ցերեկը սպասվում է առանց տեղումների եղանակ։
Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանը հունիսի 30-ին աստիճանաբար կնվազի 2-5 աստիճանով։
Ֆոտո
