ԱՄՆ դոլարի փոխարժեքն այսօր՝ հունիսի 10-ին, կազմել է 387.54  դրամ՝ նախորդ օրվա համեմատ նվազելով 0.17 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 416.10 դրամ (նվազել է 6.04 դրամով), բրիտանական ֆունտի փոխարժեքը կազմել է 491.98  դրամ (նվազել է 3.94 դրամով), իսկ ռուսական ռուբլու փոխարժեքը կազմել է 4.37 դրամ (մնացել է անփոփոխ):

Հայաստանյան բանկերում դոլարը գնվում է 385-386  դրամով, վաճառվում է 390-391.5 դրամով:

Եվրոն բանկերում գնվում է 407-418 դրամով, վաճառվում է 422.5-425 դրամով:

Ռուբլին բանկերում գնվում է 4.04-4.33 դրամով, վաճառվում է 4.39-4.58 դրամով:

Փոխանակման կետերում իրավիճակը հետևյալն է.

դոլարը գնվում է 386 դրամով, վաճառվում՝ 390 դրամով:

Եվրոն գնվում է 417-418 դրամով, վաճառվում է 421-423 դրամով:

Ռուբլին գնվում է 4.28-4.30 դրամով, վաճառվում է 4.35-4.37 դրամով:

#ՀԻՄԱ. Բագրատ Սրբազանը հայտնում է օրվա անելիքները. Ժողովուրդը Բաղրամյան պողոտայում է.

#ՈՒՂԻՂ

Համբերություն է  պետք, որ շարժումն ունենա հաջողություն: Այս մասին այսօր՝ հունիսի 10-ին, լրագրողների հետ զրույցում ասաց  «Այլընտրանքային նախագծեր» խմբի անդամ Վահե Հովհաննիսյանը:

«Ստրատեգիական համբերությունը շատ կարևոր է, եթե մենք ունենանք համբերություն, հաջողություն ունենալու ենք։ Հայաստանում ստեղծվել է լուրջ ճգնաժամ, ստեղծվել է լուրջ ներհանրային, տոքսիկ մթնոլորտ և ստեղծվել է լուրջ լարվածություն մեր սահմաններին և այս ճգնաժամը պետք է հաղթահարվի։ Ճգնաժամի հաղթահարման միակ ճանապարհը նոր իշխանությունն է։ Նոր սոլիդ իշխանություն, որը կփորձի խաղաղություն բերել երկրի ներսում և սահմաններին»,- ասաց Հովհաննիսյանը։

Նրա խոսքով՝ Շարժումն ընթանում է բավականին գրագետ։ «Ես կարծում եմ՝ Շարժումը դինամիկ թափ հավաքելու պրոցեսում է և դեռ չի հասել իր պիկին, ունի կոնսոլիդացիոն մեծ ռեսուրս, նոր սոցիալական շերտեր են միանալու»,- նշեց նա։

Ինչ վերաբերում է իշխանությանը, Հովհաննիսյանը նշեց, որ այս Շարժումը նրանց համար լավ շանս է՝ սահուն, անցնցում, խաղաղ, բանակցային ճանապարհով իշխանության հանձնման համար։ «Այս երկրին ո՛չ ցնցում է պետք, ո՛չ արյուն, ո՛չ նոր լարվածության փուլեր են պետք։ Եթե նրանց հաշվարկը շարժումը ինչ-որ պահից մարելն է, բա դրանից հետո ի՞նչ է լինելու, դրանից հետո լինելու է ռադիկալիզացիա»,- ասաց նա։

Ըստ նրա Շարժման նկատմամբ նաև բավականին դրական արտաքին ֆոն կա։

Ո՞վ է Ալեն Սիմոնյանը, ես նման մարդու չեմ ճանաչում, իրենց դատարկ խոսքերը մի' վերարտադրեք.

Սրբազան

Եթե Ալեն Սիմոնյանը քաղաքական պարկեշտության չափավոր բաժին ունենար, հրաժարական կտար

Էվալա իրենց համբերությանը. Ալեն Սիմոնյանը ոստիկանության մասին. Տեսանյութ

Իշխան Զաքարյանը չի միացել ընդդիմադիր պատգամավորների՝ արտահերթ նիստ գումարելու ստորագրահավաքին: Այս մասին հայտնում է MediaHub-ի աղբյուրը:

Այս պահին հայտնի է, որ ընդհանուր 33 պատգամավոր արդեն ստորագրել է փաստաթղթի տակ, երկուսն էլ իրենց համաձայնությունը տվել են, սակայն տեխնիկական պատճառներով դեռ չեն միացել ստորագրահավաքին:

«Այսինքն՝ 35 ստորագրություն ունենք, բայց Իշխան Զաքարյանը նրանց մեջ չի մտնում: Կմիանա իմպիչմենթի գործընթացին, թե ոչ, հայտնի չէ, բայց, կարծում եմ, հասկանալի է արդեն»,- նշեց մեր աղբյուրը:

Այդուհանդերձ, ընդդիմադիրները հույս ունեն, որ Իշխան Զաքարյանը կմիանա գործընթացին և կողմ կլինի Նիկոլ Փաշինյանին անվստահություն հայտնելուն:

Նշենք, որ եթե Ազգային ժողովի խորհուրդը մերժի ընդդիմադիրների միջնորդությունը, ապա ԱԺ կանոնակարգ օրենքի համաձայն՝ 5-րդ աշխատանքային օրը՝ հունիսի 17-ին, ժամը 18։30-ին, օրենքի ուժով կգումարավի Ազգային ժողովի արտահերթ նիստ:

Վստահ եմ՝ ընդդիմությունը մանդատները չի դնելու, արտահերթ ընտրությունների հարց չենք քննարկելու. Ալեն Սիմոնյան

ՀՀ քաղաքացիներին անհանգստացնում են, քանի որ նրանք չեն կիսում իրենց կարծիքը.

Ալեն Սիմոնյան

«Ուզում եք ասել՝ հավաքված մարդիկ ՀՀ ամբողջ ժողովո՞ւրդն է, լո՞ւրջ»,- լրագրողների հետ զրույցում հայտարարեց ԱԺ նախագահ Ալեն Սիմոնյանը՝ անդրադառնալով Բագրատ Սրբազանի առաջնորդած շարժմանը:

«Արցախից եղած պատգամավորներն են, ՀՅԴ-ի, եկեղեցու, որոշ օլիգարխների, մարդ-կուսակցությունների ներկայացուցիչներն են:

Ամբողջ ժողովուրդը գիտե՞ք՝ երբ էր, 2018-ին... 1000 հոգով ստեղից գնում ա էն դռան մոտ ա հարցազրույց տալիս, հետո՝ մյուս:

Եկեղեցական ես, ասա, դու տենց չար հայացք պտի չունենաս: Էդ չար հայացքով ոստիկաններին նայում, վիրավորում ա, էդ մարդը ժողովուրդը չի»,- հավելեց նա՝ շնորհակալություն հայտնելով ոստիկաններին՝ «սադրանքներին չտրվելու համար»: