«Ինտերը» պարտվեց «Էմպոլիին»․ Վիդեո

Մանրամասներ
Ինտեր

Իտալիայի առաջնության 19-րդ տուրում փոխչեմպիոն եւ սուպերգավաթակիր «Ինտերը» Միլանում ընդունեց «Էմպոլիին»։ Իտալացի Սիմոնե Ինձագիի գլխավորած թիմը պարտություն կրեց նվազագույն հաշվով։

40-րդ րոպեին երկրորդ դեղին քարտի համար հեռացվեց «Ինտերի» սլովակ պաշտպան Միլան Շկրինյարը։

Հյուրերը թվային առավելությունը գոլի վերածեցին 66-րդ րոպեին։ Աչքի ընկավ իտալացի հարձակվող Տոմազո Բալդանցին։

Հայաստանի հավաքականի նախկին կիսապաշտպան Հենրիխ Մխիթարյանն «Ինտերի» մեկնարկային կազմում էր: 77-րդ րոպեին նրան փոխարինեց բելգիացի հարձակվող Ռոմելու Լուկակուն։

«Ինտերը» 37 միավորով երրորդն է։ Նույնքան միավորով չորրորդ տեղում է «Ռոման»։ «Էմպոլին» բարձրացավ 9-րդ տեղ՝ 25 միավոր։

Իտալիայի առաջնություն, 19-րդ տուր

«Ինտեր» - «Էմպոլի»՝ 0:1 (տեսանյութ)

Տոմազո Բալդանցի, 66

Հեռացում՝ Միլան Շկրինյար («Ինտեր»), 40, երկրորդ դեղին քարտ