Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանը կարող է կարիերան շարունակել Իտալիայում:
Calciomercatoweb-ի համաձայն՝ 29-ամյա ֆուտբոլիստի ծառայություններով հետաքրքրված է «Միլանը»: Իտալական թիմի գլխավոր մարզիչ Ջենարո Գատուզոն ցանկանում է ուժեղացնել միջին օղակը, եւ ակումբի գլխավոր տնօրեն Լեոնարդոն արդեն զբաղվում է այդ հարցով: Աղբյուրը նշում է, որ Մխիթարյանն իդեալական տարբերակ է «Միլանի» համար:
Ավելի վաղ լուրեր էին շրջանառվում, որ Հենրիխ Մխիթարյանը կարող է հեռանալ «Արսենալից», եթե «Բարսելոնայի» իսպանացի կիսապաշտպան Դենիս Սուարեսը տեղափոխվի լոնդոնյան ակումբ: Անգլիական ակումբի գլխավոր մարզիչ Ունաի Էմերին 2014/15թթ. մրցաշրջանում Դենիս Սուարեսի հետ աշխատել է իսպանական «Սեւիլիայում»: Իսպանացի մասնագետն անձամբ է շահագրգռված Սուարեսի տրանսֆերով եւ «Արսենալի» ղեկավարությանը կոչ է արել նրան ձեռք բերել ձմեռային տրանսֆերային պատուհանի ընթացքում:
0Comments