Շվեյցարիայի իշխանությունները պատժամիջոցների 11-րդ փաթեթի շրջանակում ներկայացրել են մի շարք միջոցառումներ, որոնք Եվրամիությունը նախկինում իրականացրել էր Ռուսաստանի դեմ։
Պատժամիջոցների ցանկում ավելացվել է ավելի քան հարյուր մարդ և կազմակերպություն։
Այս մասին հայտնի է դարձել Շվեյցարիայի կառավարության հայտարարությունից։
Խոսքը «երկակի նշանակության ապրանքների և այլ ապրանքների արտահանման արգելքի մասին է, որոնք կարող են նպաստել Ռուսաստանի ռազմատեխնիկական հզորացմանը»։
Պատժամիջոցների տակ են հայտնվել նաև քիմիական զենքի էլեկտրոնային բաղադրիչներն ու պրեկուրսորները։
Շվեյցարիան նաև արգելել է Ռուսաստանին մտավոր սեփականության վաճառքը, որը կապված է որոշակի ապրանքների և Ռուսաստանի տարածքով տարանցման հետ, ներառյալ ռեակտիվ վառելիքը:
ԵՄ պատժամիջոցների նոր փաթեթն ընդունվել էր հունիսի 23-ին։
Հունիսի 28-ին Շվեյցարիան արդեն միացել է պատժամիջոցների այս փաթեթով նախատեսված միջոցառումների մի մասին՝ սահմանափակող միջոցներ մտցնելով մի շարք ֆիզիկական անձանց և կազմակերպությունների նկատմամբ։
0Comments