Չինեդուին շատ ժամանակ պետք չէր՝ իրեն Շվեդիայում անցանկալի հյուր զգալու համար։
Երբ նա 2018թ. եկավ Նիգերիայից՝ միանալով մի քանի հարյուր հազար աֆրիկացիներին 10 մլն բնակչություն ունեցող երկրում, սկզբում մտածում էր, որ գտել է հանդուրժող, ներառական հանրություն, որը մշտապես զբաղեցրել է առաջին հորիզոնականները կյանքի որակի եւ երջանկության համաշխարհային վարկանիշներում։ Նա ընդունվեց Մալմյոյի համալսարան եւ աշխատում էր մագիստրոսի աստիճան ստանալ միջազգային միգրացիայի ուսումնասիրման ոլորտում, ընկերներ ձեռք բերեց եւ աշխատանքի անցավ։ Բայց շուտով նա եւ իր ընտանիքը բախվեցին ռասիզմին, եւ հիմա նա այնպես է վախենում նրանց անվտանգության համար, որ խնդրել է չնշել իր իսկական անունը, գրել է Bloomberg-ը։
Երբ Չինեդուն եւ նրա կինը խանութներ են գնում, մարդիկ սովորաբար ուրիշ կողմ են նայում, որպեսզի տեսողական շփումից խուսափեն։ Նրա խոսքով՝ դպրոցում աշակերտները նրա երեխաների հետեւից գոռում են. «սեւերն այստեղ տեղ չունեն»։ Սեպտեմբերին համընդհանուր ընտրություններում շվեդ ուլտրաաջ դեմոկրատների հաղթանակից հետո նա ասել է, որ իրեն ավելի անհարմար է զգում հյուրընկալած երկրում։
«Դա տեղի է ունենում գրեթե ամեն օր,- ասել է Չինեդուն։- Ես այնպիսի տպավորություն ունեմ, որ դուք կարող եք գալ Շվեդիա, եւ նրանք չեն առարկի՝ սեւ եք դուք, թե սպիտակ, բայց շվեդներն իրենց հարմար չեն զգում իմիգրանտների հետ, ինչպես առաջ»։
Այլ միգրանտներ Սիրիայից, Ռումինիայից եւ Աֆղանստանից հարցազրույցում ասել են, որ բախվել են անհանդուրժողականության եւ ծաղրուծանակի, եւ ոչ ոք չէր ցանկանում պատմել իր պատմությունները ձայնագրության համար՝ զգուշանալով բռնաճնշումներից։ Նրանք բոլորն ապրում են Կլիպանում, քաղաք, որը շրջապատված է ֆերմաներով, մեկ ժամ է հեռու Շվեդիայի հարավային Մալմյո քաղաքից, որը դարձել է բաստիոն սոցիալ-դեմոկրատների համար։ Նիգերիացի մի պաստոր ասել է, որ այնքան է զզվել, որ հեռացել է եւ աշխատում է Կոպենհագենում, որտեղ ավելի հեշտ է ինտեգրվել։
Մեծ քաղաքները «շվեդ» չհանդիսացող բոլոր նորեկների համար չէ, որ դրախտ են։ Շվեդիայի ոչ առեւտրային «Փրկեք երեխաներին» կազմակերպության բաժնի հաշվետվության համաձայն՝ ամբողջ երկրում իմիգրանտների յուրաքանչյուր չորրորդ երեխան ենթարկվում է բռնության կամ հարձակման ռասայական հողի վրա՝ մաշկի գույնի, ծագման կամ կրոնի պատճառով։ Վերջին համադրելի տվյալները ցույց են տալիս, որ ատելության հիմքի վրա գրանցված հանցագործությունների թիվը ավելացել է 20 տոկոսով՝ մինչեւ 2018թ. ընկած տասնամյակում։ 2020թ. գրանցվել է ավելի քան 3 000 դեպք, չնայած իրական թիվն ավելի բարձր է, քանի որ շատ միջադեպերի մասին չի հաղորդվում։
Կլիպանի Snyggatorpsskolan դպրոցում 400 աշակերտների մեկ երրորդը իմիգրանտի երեխա է։ Դպրոցի տնօրեն Մարի Գարդբին ասել է, որ այլատյացության հռետորաբանությունը եւ ապատեղեկատվությունը ծաղկում են սոցցանցերում, իսկ համազգային բանակռիվները հորդում են միջանցքներ։ Ռասայական լարվածությունը խմբերի եւ առանձին անձանց միջեւ սովորական երեւույթ է, ինչը հանգեցնում է բանակռվի, ինչպես նաեւ ծեծկռտուքի։
Ծածուկ ռասիզմը տասնամյակներ մնացել է շվեդական քաղաքականության ուշադրությունից դուրս։ Բայց այժմ դա սոցիալապես ընդունելի է դարձել, ասում է Կլիպանից նախկին քաղաքական գործիչ Բերտ-Ինգե Կառլսոնը, որը հեռացել է բարգավաճող Քրիստոնեա-դեմոկրատական կուսակցությունից այն բանից հետո, երբ այն սկսել է որպես ծայրահեղ աջ ներկայանալ։
Շվեդիան հնուց ի վեր հպարտանում է նրանով, որ բաց է բոլոր գաղափարների, առեւտրի եւ ամբողջ աշխարհի մարդկանց համար։ Տասնամյակներ շարունակ նա ապաստան է տրամադրել չիլիացիներին, որոնք փորձում էին փրկվել Պինոչետի դիկտատուրայից, իրանցիներին՝ իսլամական հեղափոխությունից հետո եւ Կոսովոյի ալբանացիներին ՝Բալկաններում պատերազմից։
Երբ Սիրիայում քաղաքացիական հակամարտություն բռնկվեց, որը 2015-2016թթ. հանգեցրեց փախստականների ամենամեծ հոսքի՝ Երկրորդ համաշխարհային պատերազմի ժամանակներից ի վեր, Շվեդիան բացեց դռները մեծ թվով մարդկանց առջեւ, որոնք ապաստան էին փնտրում, ավելի շատ մարդկանց համար, քան տարածաշրջանի ցանկացած այլ երկիր։ Ինքնության առիթով ցանկացած անհանգստություն համարվում էր մեծ բեռ սոցիալական ապահովության համակարգի վրա։ Իրար փոխարինող կառավարությունները չկարողացան լուծել այդ խնդիրները։
Չնայած սոցիալ-դեմոկրատների կուսակցությունը, որը նեոնացիստական արմատներ ունի, պաշտոնապես չի մտնում կառավարության մեջ, այն մեծ ուժ է աջ կոալիցիայում եւ առաջին անգամ զգալի ազդեցություն ունի քաղաքականության վրա բոլոր ոլորտներում՝ էներգետիկայից մինչեւ առողջապահություն։ Վարչապետ Ուլֆ Քրիստերսոնը ընդունել է նրա կոշտ մոտեցումը իմիգրացիայի հարցում՝ խորհրդարանական աջակցության փոխարեն։
Ծայրահեղ աջերն արդեն կառավարում են Իտալիայում, Լեհաստանում եւ Հունգարիայում եւ արդյունավետորեն գլխավորում են ընդդիմությունը Ֆրանսիայում՝ Շվեդիան դարձնելով ավելի լայն միտման մաս՝ պայմանավորված աճող ժողովրդագրական եւ ֆիսկալ ճնշմամբ։
Շվեդիայի գենդերային հավասարության հարցերի նախարար Պաուլինա Բրանդբերգը հայտարարել է, որ իր կառավարությունը հետեւելու է ազգային պլանին, որը գործում է 2016-ից, մարդկանց կրթման, ինտերնետում ատելության հրահրման կանխման եւ ատելության հիմքի վրա հանցագործությունների դեմ պայքարի իրավական համակարգի խրախուսման ուղղությամբ։ Նրա խոսքով՝ կառավարությունը նաեւ ջանալու է բարելավել վիճակագրությունը, որպեսզի պարզեցնի խտրականության տարբեր ձեւերի բացահայտումը։
ՍԴ կուսակցությունը եկվորներին մեղադրել է հրազենի օգտագործմամբ հանցագործությունների աճի եւ հարուստների ու աղքատների միջեւ աճող խզման մեջ։
Մինչդեռ Ջիմի Աքեսոնը ջանում էր ընդլայնել ՍԴ-ի գրավչությունն այն ժամանակներից ի վեր, երբ դարձավ կուսակցության առաջնորդ 2015թ., մասամբ ի հաշիվ ծայրահեղականներին արմատախիլ անելու եւ որոշ վաղեմի քաղաքականություններից, ինչպիսին է ԵՄ-ից Շվեդիայի դուրս գալու պահանջը, հրաժարվելու։ Այս բանաձեւը օգնել է Մարին լը Պենին Ֆրանսիայում եւ Ջորջիա Մելոնիին դարձրել վարչապետ Իտալիայում։ Եվ սա ծանոթ դինամիկա է Շվեդիայում։
0Comments