Շվեյցարիան, հետևելով Եվրամիությանը (ԵՄ), նոր պատժամիջոցներ է սահմանել Ռուսաստանի դեմ: Ցուցակում հայտնվել է 141 ֆիզիկական և 49 իրավաբանական անձ:
Այս մասին հայտնում է Ազատությունը։
«Շվեյցարիան փոփոխություններ է կատարում պատժամիջոցների ռեժիմում՝ Ռուսաստանին իրանական անօդաչու թռչող սարքեր մատակարարելու և Ուկրաինայում շարունակվող տագնապալի իրավիճակի հետ կապված ԵՄ միջոցառումների շրջանակում»,- ասվում է Շվեյցարիայի կառավարության հրապարակած փաստաթղթում։
Դեկտեմբերի 16-ին ԵՄ խորհուրդը հաստատել է Ռուսաստանի դեմ պատժամիջոցների իններորդ փաթեթը, որը ներառում է նաև սահմանափակումներ հանքարդյունաբերության և էներգետիկայի ոլորտների նկատմամբ:
0Comments