Արևմուտքը պետք է հոգնեցնի ռուս հասարակությանը և տանջի Ռուսաստանի Դաշնության նախագահ Վլադիմիր Պուտինին. այս մասին, ինչպես գրում է unian.net-ը, հայտնել է Լեհաստանի նախագահ Անջեյ Դուդան:
«Մենք չպետք է թույլ տանք, որ Պուտինը հոգնեցնի Ուկրաինային և տանջի մեզ, մենք պետք է այնպես անենք, որ մենք Ուկրաինայի հետ հոգնեցնենք ռուս հասարակությանը և տանջենք Պուտինին», - ասել է Դուդան ուկրաինացի լրագրողների հետ զրույցում։
Նա նաև սուր քննադատել է այն երկրներին, որոնք առաջարկում են Ռուսաստանին տալ Ուկրաինայի տարածքների մի մասը։
«Թող Ուկրաինան ստանա Դոնեցկը, Լուգանսկը և Ղրիմը, իսկ ինչ-որ մեկը զիջի իր տարածքի մի կտորը: Կարծում եմ, որ Ռուսաստանը երջանիկ կլինի, եթե, օրինակ, մի կտոր ստանա Միջերկրական ծովի ափին»,- ասել է Լեհաստանի նախագահը:
Դուդան ընդգծել է, որ հարգում է Ուկրաինայի առաջնորդ Վլադիմիր Զելենսկիին։
«Նախագահ Զելենսկին և ես սիրում ենք միմյանց, բայց մենք քաղաքականությամբ ենք զբաղվում: Մենք դժվար քննարկումներ ենք ունենում, բայց նրանց ոգին միշտ բարեկամական է. ոչ ոք չի ցանկանում որևէ մեկին վնասել», - ասել է նա:
0Comments