ԱՄՆ նախագահ Ջո Բայդենն ասել է, որ դեռ չի որոշել ստորագրել օրինագիծը, որը պարտավորեցնում է ամերիկյան վարչակազմին գաղտնազերծել կորոնավիրուսի ծագման վերաբերյալ բոլոր նյութերը:
Հանրապետական սենատոր Ջոշ Հոուլիի նախաձեռնությունը հաստատվել է Կոնգրեսի երկու պալատների կողմից եւ պետք է ստորագրվի Բայդենի կողմից:
«Ես դեռ նման որոշում չեմ կայացրել»,-պատասխանել է նախագահը լրագրողների այն հարցին, թե կստորագրվի արդյոք օրինագիծը:
ԱՄՆ հատուկ ծառայություններն ասում են, որ միանշանակ կարծիքի չեն եկել կորոնավիրուսի ծագման վերաբերյալ եւ քննարկում են երկու վարկած՝ չինական լաբորատորիայից արտահոսք կամ կենդանուց մարդուն վարակի փոխանցում։
Ավելի վաղ հաղորդվել է, որ ԱՄՆ Կոնգրեսի Ներկայացուցիչների պալատը Սենատից հետո հավանություն է տվել օրինագծին, որը վարչակազմից պահանջում է գաղտնազերծել կորոնավիրուսի ծագման վերաբերյալ բոլոր հետախուզական տվյալները:
0Comments