Ուզում եմ հաստատել, որ մասնակցելու եմ Մոսկվայում Հաղթանակի օրվա միջոցառմանը: Այս մասին, այսօր՝ մայիսի 7-ին, ԱԺ-ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը:
«Ես ընդունել եմ ՌԴ նախագահի հրավերը՝ մասնակցելու միջոցառումներին: Մենք հրապարակային ենք արտահայտել, որ մենք բալանսավորված եւ բալանսավորման արտաքին քաղաքականություն ենք որդեգրել, և դրա մեջ չի մտնում ամենեւին, որ մենք մի ուղղությամբ մեր հարաբերությունները կառուցելու ենք ի հաշիվ մեր այլ հարաբերությունների: Առավել եւս այդ քաղաքականության տրամաբանության մեջ երբեք չի եղել, որ մենք ՌԴ այցեր չենք ունենալու, ՌԴ-ի հետ հարաբերությունները չենք զարգացնելու ու չենք խորացնելու:
Ինձ համար, ճիշտն ասած, այնքան էլ հասկանալի չեն այդ մեկնաբանությունները: Իհարկե, այդ միջոցառումները շատ կարեւոր են Երկրորդ աշխարհամարտում տարած հաղթանակի համատեքստում, բայց նաեւ այդ հանդիպումներում քննարկվում են հարցեր, այդ թվում երկկողմ օրակարգի հարցեր: Նման առիթները բաց թողնելը ճիշտ չի լինի և առավել եւս ես չեմ կարծում, թե այդ քննադատությունները կամ դիտարկումները տեղին են»,-ասաց նա:
Հարցին, արդյոք արդեն կան պլանավորված երկկողմ կամ այլ ձեւաչափով հանդիպումներ այդ այցի շրջանակներում, Փաշինյանը պատասխանեց. «Միջոցառումը նվիրված է առաջին հերթին մայիսի 9-ին, և ինչ-որ առումով ֆորմալ գագաթնաժողով չէ: Շփումներ, իհարկե, կլինեն, բայց որքանով այդ շփումները կֆորմալացվեն, վստահ չեմ, որովհետեւ բավական խիտ գրաֆիկի պայմաններում ենք աշխատելու»:
Latest from Live24
- Հռոմի պապն Ուկրաինայում խաղաղության, Գազայում հրադադարի և գերիների ազատ արձակման կոչ է արել
- Ուկրաինան պետք է անհապաղ համաձայնվի Ստամբուլում բանակցություններ անցկացնելու Ռուսաստանի առաջարկին. Թրամփ
- Ես կսպասեմ Պուտինին Թուրքիայում. Զելենսկի
- Թրամփը Ռուբիոյի հետ շրջագայության կմեկնի
- Հնդկաստանը Պակիստանի մի քանի ինքնաթիռ է խոցել
- ԱՄՆ-ի հետ «որոշ հարցերի շուրջ» փոխըմբռնում է ձեռք բերվել․ Իրանի արտգործնախարար
- Մեր վարչակազմի նպատակն է հետամուտ լինել խաղաղությանը Ադրբեջանի և Հայաստանի միջև. ԱՄՆ պետքարտուղարի տեղակալ
- Երևանում քամի ու սարսափելի փոշի է բարձրացել․ տեսանյութ
Լրահոս
Ֆոտո
