«Մեր տարածաշրջանում որոշիչ է լինելու Մոսկվայի խոսքը»․ Շարմազանով
ՀՀԿ գործադիր մարմնի անդամ Էդուարդ Շարմազանովի ֆեյսբուքյան գրառումը․ «Մեր տարածաշրջանում որոշիչ է լինելու Մոսկվայի խոսքը։
Աշխարհաքաղաքական իրողությունները հերթական անգամ գալիս են ապացուցելու, որ Արեւմուտքի ջանքերն ու սանկցիաները իզոլացնելու Ռուսաստանին անարդյունք էին, նույնիսկ հակառակ արդյունքն ունեցան։
Ռուսաստանյան հասարակությունը կոնսոլիդացվեց նախագահ Վ.Պուտինի շուրջ, որի արդյունքը նախագահական ընտրություններում նրա անբեկանելի հաջողությունն էր։
Ռուսական բանակն ավելի մարտունակ է դառնում՝ աստիճանաբար ազատվելով կոռումպացված ու ճահճացած չինովնիկներից։
Տնտեսության դիմադրողականությունը բարձրանում է։
ՌԴ-ի միջազգային դերակատարումն ու հեղինակությունը կտրուկ ավելանում է։
Դրա ֆոնին նոր բովանդակություն են ստանում Շանհայի համագործակցության կազմակերպությունն ու ԲՐԻԿՍ -ը, ինչպես նաև հետխորհրդային տարածաշրջանում մեծանում են ԵԱՏՄ հնարավորությունները։
Ավելին. ՌԴ-ն դարձել է նոր ՝«Ընդդեմ գաղութացման» ու «համաշխարհային մեծամասնության» շարժումների լոկոմոտիվը։
Փաստ է, որ Հավաքական Արևւմուտքի ծրագրերը չիրականացան նաև Ուկրաինայում։
Հակառակ նրանց հաշվարկների՝ ՌԴ նախագահը շատ հստակ և կոշտ մատնանշեց խաղաղության հասնելու ճանապարհը՝ ռուսական օրակարգի համաձայն։
Սրան զուգահեռ գործընթացներ են տեղի ունենում նաև Հարավային Կովկասում։
Վրաստանն ու Ադրբեջանը հասկանում են, որ տարածաշրջանի ապագա գլխավոր ճարտարապետը լինելու է ՌԴ-ն ու հակառուսական կտրուկ շարժումներ չեն անում։
Իսկ նիկոլիստները Հայաստանը դարձնում են հակառուսական պլացդարմ ու պալիգոն։
Նման չքաղաքականության արդյունքում նիկոլիստները կարող են ՀՀ-ն դուրս մղել ռեգիոնալ բոլոր լուրջ ծրագրերից՝ երազելով Արևմուտքի մասին, ինչպես երազում էին 1920-ին…երազեցին Արևմուտքի մասին, բայց Երևանի մատույցներում տեսան թուրքական զորքը։
Ռեգիոնալ հզոր ուժերի՝ ՌԴ-ի ու Իրանի հետ ծրագրեր իրականացնելու փոխարեն՝ նիկոլիզմի ԱԽՔ-ը ատոմակայանի ամերիկյան հնարավոր ներդրման անհեռատես թեզն է առաջ քաշում։
Նիկոլի խոստացած «խաղաղության հայկական խաչմերուկը» իրականում լինելու է «թուրքական ճորտացման ճահիճ»։
Վերջապես հասկացեք, որ որոշիչը ռեգիոնալ պետությունների ու նախ ՌԴ-ի խոսքն է լինելու։
Ով Մոսկվայի հետ կարողացավ լեզու գտնել ու շահեր առաջ մղել, նա էլ շահեկան դիրքեր է ունենալու տարածաշրջանում։
Վրաստանն ու Ադդբեջանը դա հասկացել են։
Իսկ նիկոլիստները՝ հակառակն են անում ու մեր պետության փշրանքները քամուն են տալիս»։
Աղբյուրը` Էդուարդ Շարմազանով
Latest from Live24
- Պուտինը ցույց է տվել Կրեմլի իր բնակարանը և պատմել թոռների մասին
- Սի Ծինփինը մայիսի 7-10-ը պաշտոնական այցով կգտնվի ՌԴ-ում
- Երևան-Մեղրի ճանապարհին Iveco-ն վրաերթի է ենթարկել հետիոտնին. վերջինս մահացել է
- Աշխարհի ամենահարուստ ներդրողներից մեկը լքում է պաշտոնը. Բաֆետի դարաշրջանն ավարտվում է
- Telegram-ում խմբային զանգերի հնարավորություն է ստեղծվել
- Տեսակետը, թե այսօրվա կառավարչին պատրաստել ենք, որ 2018-ին իշխանություն հանձնենք, որ նա էլ 2019-ին այն վերադարձնի մեզ, ուղղակի աբսուրդ է. Սերժ Սարգսյան
- Ֆրանսիայի հրապարակում բախվել են Nissan Sentra-ն և Mini Cooper-ը. կա 5 վիրավnր
- Ռումինիայում այսօր նախագահական ընտրություններ են
Լրահոս
Ֆոտո
