Զբոսաշրջության կոմիտեի նախագահ Լուսինե Գևորգյան

Ավելի վաղ հայտնի էր դարձել, որ 2025 թվականին Հայաստան ժամանած զբոսաշրջիկների թիվն առաջին անգամ գերազանցել է նախորդ տարվա ցուցանիշը։ Այսպես, 2025 թվականի հունվար-օգոստոսին հանրապետություն է ժամանել 1 505 123 զբոսաշրջիկ, ինչը 2024 թվականի նույն ժամանակահատվածից ավել է 20 439 մարդով։

Կոմիտեում ակնկալում են, որ տարվա արդյունքներով զբոսաշրջային ցուցանիշները զգալիորեն կգերազանցեն նախորդ տարվա թվերը։ Գևորգյանը հիշեցրեց՝ 2020 թվականի կորոնավիրուսի համավարակը հանգեցրել է զբոսաշրջության համաշխարհային հոսքերի կտրուկ կրճատման, և հիմա ոլորտն աստիճանաբար վերականգնվում է։

ՄԱԿ-ի զբոսաշրջության համաշխարհային չափանիշի համաձայն՝ 2024 թվականին մոտ 1,4 միլիարդ մարդ կատարել է միջազգային ճանապարհորդություն, ինչը կազմում է 2019 թվականի համապատասխան ցուցանիշի 99%-ը։ 

Օրինակ, իրանա–իսրայելական դիմակայության ժամանակ տարածաշրջանում ավիահաղորդակցության սահմանափակումները մեծապես ազդել են զբոսաշրջության ցուցանիշների վրա։

Կոմիտեի ղեկավարն ընդգծեց, որ Հայաստանի նկատմամբ հետաքրքրության աճն ապահովվում է միջազգային ասպարեզում ակտիվ աշխատանքով՝ մասնակցություն խոշոր զբոսաշրջային էքսպոներին, համաշխարհային ԶԼՄ-ներում երկրի մասին հրապարակումներ, առաջատար ավիաընկերությունների հետ համագործակցություն:

Բացի այդ, Հայաստանն աշխատում է շուկայի դիվերսիֆիկացման, մի շարք երկրների համար վիզային ռեժիմի ազատականացման ուղղությամբ։ Այսպես, չեղարկվել են Չինաստանի քաղաքացիների համար վիզաները, դյուրացվել է Հնդկաստանի քաղաքացիների համար վիզաների ձևակերպումը։ Գևորգյանը վստահ է, որ այս ամենը թույլ կտա ներգրավել զբոսաշրջային նոր հոսքեր։