Երկուշաբթի առավոտյան կլինեմ Ազգային ժողովում. հետաքրքիր է լինելու. Նարեկ Մալյան. Տեսանյութ

Իրանի և ԱՄՆ-ի միջև Իրանի միջուկային ծրագրի շուրջ տարաձայնությունները լուծելու համար հունիսի 15-ին նախատեսված բանակցությունների հաջորդ փուլը դեռևս չի չեղարկվել։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։

«Դեռևս պարզ չէ, թե ինչ որոշում կկայացնենք կիրակի օրը այս հարցի վերաբերյալ», – դիվանագետի խոսքերն է մեջբերում NourNews գործակալությունը։

Ավելի վաղ Բաղային ասել էր, որ Իսրայելի հարձակումից հետո Վաշինգտոնի և Թեհրանի միջև բանակցությունները դարձել են անիմաստ։

«Հրապարակ» թերթը գրում է․ «Հայ քաղաքական էլիտան «Դվին» ռեստորանային համալիրում հունիսի 12-ին նշել է Ռուսաստանի օրը, որի ընթացքում ելույթ է ունեցել Հայաստանում ՌԴ դեսպան Սերգեյ Կոպիրկինը։ Միջոցառումը փակ է եղել լրատվամիջոցների համար: Մեր աղբյուրը պատմեց, որ ներկա են եղել գրեթե բոլոր քաղաքական ուժերի ներկայացուցիչներ: Անգամ կատակեց՝ Ռուսաստանը Հայաստանում կարողացավ միավորել քաղաքական խայտաբղետ ներկապնակը: 

Իշխանությունից եւս բազմաթիվ ներկայացուցիչներ են եղել՝ փոխվարչապետ Մհեր Գրիգորյանը, Քննչական կոմիտեի ղեկավարը, ինչպես նաեւ՝ ուժային այլ կառույցների ներկայացուցիչներ, հայաստանաբնակ ռուս ընտանիքներ, գործարարներ։ Միջոցառումն անցել է խնջույքային միջավայրում, ներկաների ուշադրությունը գրավել է հատկապես Մհեր Գրիգորյանի պահվածքը: Ասացին՝ նա իրեն զգում էր՝ ինչպես ձուկը ջրում, ջերմ զրուցել է դեսպանի հետ, կենացներ, բաժակաճառեր ասել եւ հեռացել է ամենավերջինը»։

«Ժողովուրդ» օրաթերթը գրում է. «ՔՊ-ականները ՍՄՍ են ստացել՝ թիրախավորելու ՀՀ առաջին նախագահ Լեւոն Տեր-Պետրոսյանին եւ մյուս բոլորին, ովքեր կհամարձակվեն սատարել Ամենայն Հայոց Կաթողիկոս Գարեգին 2-րդին:

«Ժողովուրդ» օրաթերթի աղբյուրները փոխանցում են, որ իշխանական կուլիսներում որոշված է ամեն կերպ «չեզոքացնել» Տեր-Պետրոսյանին ու նրա թիմակիցներին՝ լուծելով նաեւ 2026-ին ընդառաջ առաջին նախագահի թիմի մասնակցության չեզոքացման հարցը:

Նախօրեին ՀՀ վարչապետ Նիկոլ Փաշինյանի աշխատակազմի ղեկավար Արայիկ Հարությունյանը, որը հայտնի էր տերպետրոսյանական իր հայացքներով, ֆեյսբուքյան գրառում էր կատարել՝ անդրադառնալով Լեւոն Տեր-Պետրոսյանի վերջին հայտարարությանը՝ միաժամանակ հիշատակելով Վանո Սիրադեղյանին ու նրան մեղադրելով ընտրակեղծարարության համար։

«… նորանկախ Հայաստանի նաեւ կաթողիկոսական ընտրությունների կեղծման կնքահայրն է՝ Վանոների միջոցով»,- գրել էր Արայիկ Հարույթունյանը, ով հրապարակներում «Լեւո՜ն-Լեւո՜ն» էր գոռում։ Իշխանություններն այնքան են ահաբեկվել, որ մոռացել են անգամ, որ Արայիկ Հարությունյանը Նիկոլ Փաշինյանի որոշմամբ գլխավորել է «ընտրակեղծարարության կնքահայր» Վանո Սիրադեղյանի թաղման հանձնաժողովը, անձամբ մասնակցել նրա հուղարկավորությանը:

Բայց Արայիկ Հարությունյանը միակը չէ այդ թիմում. նույն կերպ երախտամոռության հարցում մրցավազքի մեջ են մտել նաեւ ԱԺ փոխնախագահ Ռուբեն Ռուբինյանը, որը անհարիր բառապաշարով «հարձակվել» էր Լեւոն Տեր-Պետրոսյանի վրա՝ մոռանալով, որ ընտրակեղծիքներով ձեւավորված իշխանության մեջ իր հայրը աշխատել է ԱԺ փոխխոսնակ:

«Լեւոն Տեր-Պետրոսյանն այսօր Կտրիճ Ներսիսյանի` կուսակրոնության ուխտը խախտած լինելու մասին ակնհայտ ճշմարտությունը բարձրաձայնելն ու դրանից բխող պատասխանատվություն ակնկալելը համեմատել է ցարական Ռուսաստանում Հայ Առաքելական Եկեղեցու գույքի բռնագանձման ու հայկական դպրոցների փակման հետ:
Այսինքն կաթողիկոսի` Աստծո առաջ տրված ուխտը պահպանել ակնկալելը նույնն է, ինչ եկեղեցու գույքը բռնագանձելն ու հայկական դպրոցներ փակելը: Ինչպիսի իմաստուն վերլուծություն:

Այս դարակազմիկ մտքերի վերջում էլ սուրբ ուխտը խախտածի պաշտպան Տեր-Պետրոսյանը Փաշինյանին անվանել է ազգադավ ու սրբապիղծ:

Այսպիսով` Լեւոն Տեր-Պետրոսյանի` Լեւոն Զուրաբյանի վերածվելու գործընթացը կարելի է համարել ավարտված: Շատ ափսոս»,- հայտարարել էր Ռուբինյանը, ով մեծացել է Զուրաբյանի աչքի առաջ՝ նրա գաղափարներով»։

Մանրամասները՝ «Ժողովուրդ» օրաթերթի այսօրվա համարում:

Իսրայելում ՀՀ դեսպանությունը հայտարարություն է տարածել՝ հորդորելով Իսրայելի տարածքում գտնվող ՀՀ քաղաքացիներին պահպանել զգոնություն, և արտակարգ իրավիճակների դեպքում կապ հաստատել դեսպանության հետ։

Նկատի ունենալով Իսրայելի Պետությունում ստեղծված իրավիճակը՝ Իսրայելում Հայաստանի Հանրապետության դեսպանությունը հորդորում է երկրի տարածքում գտնվող ՀՀ քաղաքացիներին պահպանել զգոնություն, հետևել պաշտոնական ցուցումներին և արտակարգ իրավիճակների դեպքում կապ հաստատել դեսպանության հետ.

. էլեկտրոնային հասցեով (Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։), 

. սոցիալական էջերի (Facebook, X) միջոցով,

. ինչպես նաև +972 58 607-0313 հեռախոսահամարով։

Ավելի վաղ նման հայտարարություն էր տարածել Իրանում ՀՀ դեսպանությունը։

«Հրապարակը» գրում է․ «ՔՊ-ական պատգամավոր Հայկ Սարգսյանի նախաձեռնած «Զինվորական ծառայության մասին» ՀՀ օրենքի փոփոխությունների նախագիծը ԱԺ պաշտպանության եւ անվտանգության հարցերի մշտական հանձնաժողովի երեկվա նիստում ստացավ 5 կողմ, 4 դեմ, 1 ձեռնպահ ձայներ։ Ըստ ԱԺ կանոնակարգ- օրենքի՝ ձեռնպահն ավելի մոտ է դեմ դիրքորոշմանը, ուստի ձայները հավասարվեցին, եւ նախագիծը չանցավ։

Քվեարկությունից անմիջապես հետո Սարգսյանը բարկացած դուրս եկավ քննարկման սենյակից։ Քննարկման ընթացքում ՔՊ-ականները, մեղմ ասած, կերան իրար, Անդրանիկ Քոչարյանը Հայկ Սարգսյանին մեղադրեց վիճակագրություն կեղծելու եւ այլնի մեջ, իսկ եզրափակիչ ելույթում էլ Սարգսյանը Քոչարյանին մեղադրեց, որ ի սկզբանե կողմ է եղել նախագծին, մասնակցել է քննարկումներին, Փաշինյանն էլ է հավանություն տվել, եւ իր համար հասկանալի չէ, թե ինչու են հիմա խմբակցությունում դեմ։ 

Հաշվի առնելով, որ Փաշինյանին պատգամավորը շնորհակալություն հայտնեց, ստացվում է, որ կա՛մ իշխող խմբակցությունն ինքնագլուխ է տապալել նախագիծը, կա՛մ էլ Փաշինյանը, սովորույթի համաձայն, սկզբում հավանության է արժանացրել նախագիծը, հետո նրան հասկացրել են, որ դա հակասահմանադրական է, նաեւ հարվածելու է իշխանության ռեյտինգին, ու «զադնի է դրել»` մերժելու գործը բարդելով խմբակցության ուսերին։ Մենք նախապես գրել էինք, որ ՔՊ-ում մեկ մարդու պես դեմ են նախագծին, խմբակցության փակ նիստում նրանք հորդորել էին պատգամավորին` հետ կանչել կամ խմբագրել նախագիծը, հատկապես որ պարզվել էր` ԶՈՒ գլխավոր շտաբն ի սկզբանե դեմ է եղել դրան»։

Քաղաքագետ Էդուարդ Աբրահամյնաը ֆեյսբուքյան իր էջում գրել է․

«Եթե Իրանն իսկապես ցուցադրի, որ ունի ոչ միայն բավարար քանակով հարստացված պլուտոնիում, այլ նաև միջուկային զենքի փորձարկում իրականացնի՝ դա կբերի լրջագուն աշխարհաքաղաքական հետևանքների մեծ Մերձավոր Արևելքում։

Դա կնշանակի, որ արդեն իսկ խարխլված միջուկային ուժային բալանսը խախտվել է ու օրինակ Թուրքիան, Եգիպտոսը և Սաուդյան Արաբիան արդարացիորեն կձգտեն նույնպես ունենալ միջուկային զենք՝ կարգավիճակի և անվտանգության նկատառումներից ելնելով»։

Իրանագետ Վարդան Ոսկայնաը տելեգրամի իր ալիքում գրում է․

«Իրանական բանակի սոցցանցային էջը տեղեկություն է տարածել, որ առաջիկա ժամերին Թեհրանը կիրականացնի միջուկային զենքի փորձարկում։

Իրանի վրա այսօրվա լայնածավալ իսրայելական հարձակումն այս պետությանն այլևս փաստացի լեգիտիմ պատճառ է տվել միջուկային զենք ստեղծելու»։

Իրանի արտաքին գործերի նախարար Աբբաս Արաղչին նամակ է հղել ՄԱԳԱՏԷ-ի գլխավոր տնօրեն Ռաֆայել Մարիանո Գրոսիին՝ կոչ անելով դատապարտել Իսրայելի հարվածները Իրանի միջուկային օբյեկտների վրա։ Այս մասին փոխանցում է Իրանի ԱԳՆ-ն։

Արաղչին ընդգծել է Իրանի վճռականությունը՝ հատուկ միջոցներ ձեռնարկելու միջուկային սարքավորումների և նյութերի պաշտպանության ուղղությամբ, հավելելով, որ Իրանի Իսլամական Հանրապետությունը վճռական պատասխան է տալու ագրեսիայի ակտին։

Նախարարը նաև դիմել է գլխավոր տնօրենին՝ պահանջելով անհապաղ քայլեր ձեռնարկել ՄԱԳԱՏԷ-ի կառավարիչների խորհրդի արտահերթ նիստ հրավիրելու համար՝ ստեղծված իրավիճակը քննարկելու նպատակով։