Անդրանիկ Թևանյանի ֆեյսբուքյան գրառումը․ «Գլոբալ պատերազմի կուսակցությունը պարտվում է. տարոսը Նիկոլ Փաշինյանին
Եվրախորհրդարանի ընտրության արդյունքները ԵՄ-ում եղանակ ստեղծող երկրներում (Ֆրանսիա, Գերմանիա) ցույց են տալիս, որ պարտվում են գլոբալ պատերազմի կուսակցության ներկայացուցիչները և գալիս են ազգային-պահպանողական դեմոկրատական ուժերի ժամանակները:

Եվրոպական ընտրության արդյունքները նաև ցույց են տալիս, որ մերժվում է ապազգային, գլոբալիստական, գեդոնիստական արժեհամակարգը, մերժվում է Ռուսաստանի ու Իրանի դեմ Արևմուտքի սանձազերծած պատերազմը, մերժվում է արյունաբեր քաղաքականությունը, քանզի տուժում են ոչ միայն մանրադրամի ֆունկցիա կատարողները (Ուկրաինայում հարյուր հազարավոր զոհեր կան), այլ նաև ԵՄ շարքային քաղաքացիները, հարվածներ են ստանում ավանդական ինստիտուտները, իրական ժողովրդավարական արժեքները:
Ֆրանսիայում Լե Պենի գլխավորած կուսակցության հաջողությունը շատ լավ ազդակ էր աշխարհի ազգային ու առողջ ուժերին, որ պետք է պայքարել ու մերժել անդրօվկիանոսյան կենտրոնից եկող պարտադրանքը՝ պաշտպանելով սեփական ինքնությունն ու անկախ պետականությունը: «Մայր Հայաստանի» որդեգրած քաղաքականությունն ու դավանած արժեքներն ամբողջությամբ տեղավորվում են միջազգային այդ «թրենդի» մեջ:
Նկատենք, որ Վրաստանի իշխանությունների վարքագիծը համահունչ է ԵՄ-ի առողջ ուժերի ու գլոբալ պատերազմի կուսակցությանը մերժած ԵՄ քաղաքացիների վարքագծին: ԱՄՆ փորձում է Վրաստանը դարձնել մանրադրամ և «ա լյա» Ուկրաինա օգտագործել Ռուսաստանի դեմ: Վրաստանի իշխանությունները չեն ընդունում այդ պարտադրանքը և պայքարում են Վրաստանի ինքնիշխանության համար:
Ի տարբերություն Վրաստանի իշխանությունների՝ Հայաստանի իշխանությունները, Նիկոլ Փաշինյանի գլխավորությամբ, գնում են Հայաստանի ուկրաինացման ճանապարհով՝ Ռուսաստան-Արևմուտք հակամարտության մեջ մեր երկիրը դնելով զոհասեղանին: Այդ քաղաքականությունը մերժվում է ՀՀ քաղաքացիների ճնշող մեծամասնության կողմից: Հայաստանի ներքաղաքական ճգնաժամն ասվածի վառ ապացույցն է: Իսկ դա նշանակում է, որ նիկոլական իշխանությունը դուրս է շպրտվելու քաղաքական ասպարեզից ճիշտ այնպես, ինչպես ԵՄ-ում է դուրս շպրտվում գլոբալ պատերազմի կուսակցությունը (Ֆրանսիայի նախագահ Մակրոնը խորհրդարանի արտահերթ ընտրություններ է նախաձեռնել և չի բացառել սեփական հրաժարականը): Ինչպես ասում են՝ տարոսը Նիկոլին»:

Անդրանիկ Թևանյան

Ասեմ, թե վաղն ինչ են ուզում բեմադրել, չփորձեք սադրել ոստիկաններին. Ալեն Սիմոնյան

4 արեւմտամետ կուսակցություն, որոնք ստեղծել են Ժողովրդավարական ուժերի հարթակ, կոչ են արել Նիկոլ Փաշինյանին՝ առաջիկա 3 – 4 ամսվա ընթացքում կազմակերպել հանրաքվե Եվրամիությանը Հայաստանի անդամակցության հարցով»։

Տարածված հայտարարության մեջ ասվում է.

«Ելնելով աշխարհաքաղաքական զարգացումներից և ներհայաստանյան անհրաժեշտությունից` ժողովրդավարական ուժերի հարթակը` ի դեմս Հայաստանի Եվրոպական կուսակցության, Հանրապետություն կուսակցության, Հանուն Հանրապետության կուսակցության, Քրիստոնեա-
ժողովրդավարական կուսակցության, առաջարկում է առաջիկա 3 - 4 ամսվա ընթացքում կազմակերպել հանրաքվե Եվրամիությանը Հայաստանի անդամակցության հարցով»:

Հայաստանի Եվրոպական կուսակցություն
Տիգրան Խզմալյան

Հանրապետություն կուսակցություն
Արամ Զ․ Սարգսյան

Հանուն Հանրապետության կուսակցության
Արման Բաբաջանյան
Քրիստոնեա-

ժողովրդավարական կուսակցություն
Լևոն Շիրինյան

Ազգային ժողովի պետական-իրավական հարցերի մշտական հանձնաժողովը մինչև երկու ամսով հետաձգել է ԱԺ «Պատիվ ունեմ» և «Հայաստան» խմբակցությունների հեղինակած «Կառավարության հրաժարականի եւ նոր կառավարություն ձեւավորելու անհրաժեշտության մասին» ԱԺ ուղերձի նախագիծը։

Հանձնաժողովի նախագահի տեղակալ Արուսյակ Ջուլհակյանը տեղեկացրել է, որ «Ազգային ժողովի կանոնակարգ» ՀՀ սահմանադրական օրենքի համաձայն` հիմնական զեկուցողի բացակայության պատճառով հարցի քննարկումը հետաձգվել է մինչև 2 ամիս ժամկետով:

Հիշեցնենք` Ազգային ժողովի խորհուրդը երեկ մերժեց ընդդիմադիր խմբակցությունների՝ Աժ արտահերթ նիստ հրավիրելու վերաբերյալ միջնորդությունը։

«Հայաստան» և « Պատիվ ունեմ» խմբակացությունները երեկ միջնորդություն էին ներկայացրել Ազգային ժողովի խորհրդին՝ այսօր կամ մինչև հունիսի 17-ն արտահերթ նիստ գումարելու պահանջով՝ Ազգային ժողովի ուղերձը կառավարության հրաժարականի և նոր կառավարության ձևավորման մասին օրակարգով։

Եթե Ազգային ժողովի խորհուրդը մերժում է ընդդիմադիր խմբակացությունների միջնորդությունը, ապա Ազգային ժողովի կանոնակարգ օրենքի համաձայն՝ 5-րդ աշխատանքային օրը՝  հունիսի 17-ին՝ ժամը 18։30 -ին, օրենքի ուժով կգումարավի Ազգային ժողովի արտահերթ նիստ։

Հիշեցնենք՝ Բագրատ Սրբազանը դիմել էր Ազգային ժողովի խմբակցություններին, որպեսզի ընդդիմադիրները հունիսի 11-ին՝ ժամը 16:30-ին, նախաձեռնեն նիստ՝ կառավարության հրաժարականի և նոր կառավարության ձևավորման օրակարգով:

«Հունիսի 10-ին ԱԺ խորհուրդը պարտավոր է որոշում ընդունել արտահերթ նիստ հրավիրելու մասին։ Պատգամավորները պարտավոր են գործել ժողովրդի կամքով», - ասել էր Բագրատ Սրբազանը։

Եթե ժողովրդին տարան հարձակման ԱԺ-ի վրա, շենքը բոլոր միջոցներով պաշտպանվելու է.

Անդրանիկ Քոչարյանը զգուշացնում է

ՔՊ-ն մանդատները չի դնելու, հերթական ընտրությունները 2026-ին են լինելու. Հայկ Կոնջորյան

«Իմ հեռախոսահամարը տարածվել է թելեգրամյան ալիքում, որից հետո մինչ այս պահը ես ստանում եմ զանգեր և հաղորդագրություններ, որոնց ամբողջ բովանդակությունը հայհոյանք է, անեծք ու սպառնալիք՝ իմ և ընտանիքիս հանդեպ»,- ԱԺ ամբիոնից հայտարարեց ՔՊ-ական պատգամավոր Էմմա Պալյանը՝ այդ արարքը վերագրելով «Տավուշը հանուն հայրենիքի» շարժման առաջնորդ Բագրատ Սրբազանին և նրա շրջապատին․

«Տպավորություն չստեղծվի, որ այս ամենից ես վախեցել եմ, ուղղակի ևս մեկ անգամ հիշեցնում եմ, թե ովքեր են փողոցում պահանջում ընտրված վարչապետի հրաժարականը»,- ասաց նա։

Կառավարությունն ու նրա ղեկավարը պետք է հեռանան. Տիգրան Աբրահամյան

Տեսանոյւթ

Ռուսաստանի նախագահ Վլադիմիր Պուտինը հունիսի 11-ին կհանդիպի Թուրքիայի արտգործնախարար Հաքան Ֆիդանի հետ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն։

Նրա խոսքով՝ Պուտինն այսօր աշխատանքային հանդիպումներ ունի` նախատեսված ամբողջ օրվա համար։

«Երեկոյան, ես դեռ հստակ ժամը չեմ ասի, բայց ակնհայտ է, որ ժամը 18:00-ից հետո նախագահը կընդունի Թուրքիայի արտգործնախարար Ֆիդանին, ով այստեղ է աշխատանքային այցով»,- ասել է Կրեմլի խոսնակ Դմիտրի Պեսկովը։

Նա նշել է, որ Ֆիդանը Մոսկվայում բանակցություններ է վարում տարբեր մակարդակներով։

«Ավանդաբար ռուս-թուրքական օրակարգը ծավալուն է, այսօր խոսելու շատ բան կլինի»,- հավելել է Պեսկովը։

Նա տեղեկացրել է նաև, որ մյուս հանդիպումները կլինեն ոչ հրապարակային։

Ելիսեյան պալատը կտրականապես հերքել է մամուլում հայտնված այն տեղեկությունը, թե Ֆրանսիայի նախագահ Էմանուել Մակրոնը մտածում է հրաժարական տալու մասին, հայտնում է Europe 1 ռադիոն։

«Երեքշաբթի առավոտյան Ելիսեյան պալատը կտրականապես մերժել է պետության ղեկավարին հրաժարական տալու ցանկացած մտադրություն»,- հայտնել է ռադիոկայանը։

Ավելի վաղ Europe 1-ը, վկայակոչելով Մակրոնի շրջապատին, հայտնել էր, Ֆրանսիայի նախագահն իր մերձավոր շրջապատի հետ քննարկում է արտահերթ խորհրդարանական ընտրություններում աջերի հնարավոր հաղթանակը։ Աջերի հաջողության դեպքում, նա կարող է հրաժարական տալ։ 

«Նախագահի հրաժարականը տաբու չէ. այո, այսօր մենք պետք է դիտարկենք բոլոր սցենարները»,- մեջբերում է ռադիոկայանը աղբյուրներից մեկի խոսքը։

Չնայած ընդգծվում է, որ սա ծայրահեղ քայլ է, սակայն Մակրոնը պատրաստ է «զոհաբերել իր հնգամյա ժամկետի ավարտը»։ Նշվում է, որ այս տարբերակն ակնհայտորեն նախընտրելի չէ, սակայն նախագահի հրաժարականի հեռանկարը կարող է ծառայել «գալիք ընտրությունների դրամատիզացմանը»։

Ֆրանսիայի նախագահը հունիսի 9-ին ցրել է Ազգային ժողովն այն բանից հետո, երբ նրա կողմնակիցները պարտվել են Եվրախորհրդարանի ընտրություններում։ Նրա «Վերածնունդ» կուսակցությունը ստացել է ձայների 14,6 տոկոսը։ Սա կեսն է, քան աջակողմյան «Ազգային միավորում» կուսակցության ցուցանիշը (31,4%): BFM հեռուստաալիքը հայտնել է, որ Ֆրանսիայի վարչապետ Գաբրիել Աթալը փորձել է հետ պահել նախագահին խորհրդարանը ցրելու մտադրությունից։ Այնուամենայնիվ, Էմանուել Մակրոնը որոշել է արտահերթ խորհրդարանական ընտրություններ անցկացնել։