Հնդկաստանը Ադրբեջանին և Հայաստանին կոչ է անում բանակցել և դիվանագիտական ճանապարհով լուծել սահմանին ստեղծված իրավիճակը։ Այս մասին ասված է Հնդկաստանի ԱԳՆ պաշտոնական ներկայացուցիչ Արինդամ Բագչիի հայտարարության մեջ, որը հրապարակվել է երեքշաբթի գերատեսչության պաշտոնական կայքում։
«Մենք հաղորդումներ ենք ստացել 2022 թվականի սեպտեմբերի 12-13-ը հայ-ադրբեջանական սահմանի երկայնքով, այդ թվում՝ քաղաքացիական բնակավայրերի և ենթակառուցվածքային օբյեկտների վրա հարձակումների մասին: Մենք կոչ ենք անում ագրեսոր կողմին անհապաղ դադարեցնել ռազմական գործողությունները»,- ասվում է հայտարարության մեջ։
Բագչին նշել է, որ, ըստ հնդկական կողմի, երկկողմ վեճերը պետք է լուծվեն դիվանագիտական ու երկխոսության ճանապարհով։
«Ոչ մի հակամարտություն չի կարող լուծվել ռազմական ճանապարհով: Մենք կոչ ենք անում երկու կողմերին շարունակել բանակցությունները՝ կայուն և խաղաղ լուծման հասնելու համար», - ասել է Հնդկաստանի ԱԳՆ ներկայացուցիչը:
0Comments