Ուկրաինայի նախագահ Վլադիմիր Զելենսկին հիվանդանոցում այցելել է մի ընտանիքի, որի անդամները վիրավորվել էին Վորզել բնակավայրից տարհանման ժամանակ։
Զելենսկու ֆեյսբուքյան էջում նշվում է, որ նախագահն այցելել է նաև Իրպենում սպանված ամերիկացի լրագրող-վավերագրող Բրենտ Ռենոյի վիրավոր վարորդին ու Կիևի այլ բնակիչների։
Հրապարակված տեսանյութում երևում է, որ երիտասարդ աղջիկը, տեսնելով նախագահին, անակնկալի է գալիս ու հուզվում, իսկ ավելի ուշ նշում է, որ TikTok սոցցանցում բոլորն աջակցում են Զելենսկուն ու նրա մասին են խոսում։
«Գրավել ենք TikTok-ը»,-կատակել է Զելենսկին՝ ծիծաղեցնելով ներկաներին։
0Comments