Ուկրաինայի նախագահ Վլադիմիր Զելենսկին ստորագրել է վիրտուալ ակտիվների մասին օրենքը, որն օրինականացնում է կրիպտոարժույթների շուկան։ Այս մասին չորեքշաբթի հայտնել է Ուկրաինայի թվային տեղեկատվության նախարարությունը, գրում է ՏԱՍՍ-ը:
Նախարարությունը նշել է, որ այժմ արտասահմանյան և ուկրաինական կրիպտո փոխանակումները կկարողանան օրինական աշխատել, իսկ բանկերը հաշիվներ կբացեն կրիպտո ընկերությունների համար։ Օրենքը թույլ է տալիս ուկրաինացիներին պաշտպանել իրենց խնայողությունները վիրտուալ ակտիվներում, պետությունը երաշխավորելու է նման ակտիվների նկատմամբ իրավունքների դատական պաշտպանությունը։
0Comments