Միապետական սահմանադրական կարգի հիմունքները՝
Հայաստանը վերանվանվում է Հայոց թագավորություն, կրճատ՝ Հայք:
Հայքը միապետություն է, որի իշխանության միակ աղբյուրը Աստվածն է, հանուն ում Ամենայն Հայոց Կաթողիկոսի կողմից օծվում և թագադրվում է Միապետը և ստանում անմիջական իշխանություն իր երկրի և դրա ժողովրդի վրա:
Միապետը Հայոց պատմական թագավորների ժառանգն է:
Միապետը պետության գլուխն է, ղեկավարում է և վերահսկում օրենսդիր, գործադիր և դատական իշխանությունները:
Արդարադատությունը իրականացվում է հանուն Միապետի: Միապետը պետք է հաստատի ցմահ ազատազրկման դատավճիռները:
Միապետը նշանակում է հանրային ծառայության բոլոր բարձր պաշտոններին, շնորհում բարձրագույն և պատվավոր կոչումներ, պարգևներ և այլն:
Միապետը Զինված ուժերի գլխավոր հրամանատարն է, նշանակում և ազատում է հրամանատարական կազմին:
Միապետին են պատկանում հողը, ջուրը և ընդերքը:
Միապետը անձեռնմխելի է, ենթակա չէ որևէ պատասխանատվության, ազատ է որևէ պարտավորություններից մարդկանց հանդեպ, բացառությամբ իր վրա կամավոր վերցրածներից:
Հայքի պետական կրոնը Քրիստոնեությունն է՝ Հայ Առաքելական եկեղեցու դավանաբանությամբ:
Եկեղեցին պետության անբաժանելի մասն է:
Հայքի քաղաքացիները անձնագիր ստանալիս տալիս են Միապետին հավատարմության երդում:
Միապետին հատուկ երդում են տալիս կառավարությունը, խորհրդարանը, Զինված ուժերը, դատավորները, իրավապահ մարմինների աշխատակիցները: Միապետին տրված երդման դրժումը պետական հանցագործություն է:
Միապետը երաշխավորում է մարդու և քաղաքացու իրավունքները ու ազատությունները:
Տղամարդիկ և կանայք հավասար են, այլ սեռերի գոյությունը բացառվում է. դրանք համարվում են հիվանդություններ:
Ընտանիքը կազմվում է և պահպանվում քրիստոնեական ավանդույթների ուժով:
Ճանաչվում և պաշտպանվում են ազգային փոքրամասնությունների իրավունքները և կրոնները:
Միապետը 4 տարին մեկ հրավիրում է խորհրդարան, որի պատգամավորների կեսը ընտրվում է քաղաքացիների կողմից՝ խիստ ընտրական ցենզի հիման վրա, մեկ քառորդը նշանակվում է Միապետի կողմից, մեկ քառորդը՝ Վեհափառ Հայրապետի կողմից: Խորհրդարանն ընդունում է օրենքներ, հաստատում է պետական բյուջեն:
Կառավարությունը ձևավորվում է Միապետի կողմից և պատասխանատու է նրա առջև: Միապետը կարող է հաշվի առնել խորհրդարանի կարծիքը կառավարության ձևավորման և հրաժարականի հարցերում: Կառավարությունը իրականացնում է արտաքին և ներքին քաղաքականությունը՝ Միապետի հսկողության ներքո:
Բոլոր օրենքները, կառավարության որոշումները, միջազգային պայմանագրերը ենթակա են հաստատման/վավերացման Միապետի կողմից: Միապետի կողմից չհաստատված օրենքը, որոշումը հանվում են քննարկումից:
Միապետը հատուկ դեպքերում կարող է ընդունել օրենքներ, որոնք չպետք է հակասեն Սահմանադրությանը:
Տեղական ինքնակառավարումը իրականացվում է համայնքապետերի և ավագանիների ուղիղ ընտրության հիման վրա:
Յուրաքանչյուր պաշտոնյա կարող է ազատվել պաշտոնից Միապետի կողմից:
Միապետը շնորհում է ներում, կարող է հայտարարել համաներում:
Տիգրան Աթանեսյան
0Comments