Հունիսի 17, 2025
Ինչ պետք է իմանալ օտարերկրյա վարորդական վկայականներով ՀՀ քաղաքացիների վարելու իրավունքի մասին
«Քաղաքացիական պայմանագիր» խմբակցության պատգամավոր Շիրակ Թորոսյանը ԱԺ նիստերի դահլիճում, դիմելով ՆԳ նախարարի տեղակալ Արմեն Ղազարյանին՝ հարց բարձրացրեց երկքաղաքացիների վարորդական իրավունքներով ՀՀ-ում ավտոմեքենա վարելու ժամկետների հետ կապված օրենքի փոփոխության վերաբերյալ:
Նրա խոսքով՝ մեր հայրենակիցները գալիս են Հայաստան, տուգանվում են, ինչը շատ վատ է:
Ի պատասխան՝ Ղազարյանն ասաց. «Նախագիծը, որն առնչվում է օտարերկրյա վարորդական իրավունքի վկայականներով ՀՀ քաղաքացիների կողմից վարելու իրավունքին, որը թույլատրելու ենք կարճ ժամանակահատվածով, այնուհետև փոխանակման անհրաժեշտություն է առաջանալու մինչև երեք ամիս: Այդպես է, առնվազն, նախագիծը:
Հաստատվել է արդեն Կառավարության կողմից, ուղարկվել է ԱԺ, ըստ այդմ՝ առաջիկա նստաշրջանում կքննարկվի, մենք նաև անհետաձգելիության վերաբերյալ որոշում ենք ավելացրել, որպեսզի, Ձեր ասած, հրատապության ռեժիմով այդ օրենսդրական նախաձեռնությունը ընդունվի, ըստ այդմ, առաջիկա նստաշրջանում կներկայացվի խորհրդարանին»:
Թորոսյանը խնդրեց ևս մեկ հարց պարզաբանել. վերջերս լրատվամիջոցներով տեղեկություն է տարածվել, որ օտարերկրյա վարորդական իրավունքներ ունեցող ՀՀ քաղաքացիները կարող են դիմել նաև առանց օտարերկրյա վարորդական իրավունքի վկայականը հանձնելու և առանց քննության ստանալու հայկական վարորդական իրավունքի վկայական:
«Եթե դա այդպես է, խնդրում եմ պաշտոնապես հայտարարել»,- ասաց պատգամավորը:
Ղազարյանի խոսքով՝ դա օրենքի կարգավորման առարկա է:
«Օրենքը հենց այդպես էլ կարգավորում է: Ճանապարհային երթևեկության անվտանգության մասին օրենքը երկքաղաքացիների համար նման հնարավորություն նախատեսում էր:
Ենթաօրենսդրական ակտը չկար, այն ընդունվել է, և սահմանվել է ընթացակարգը, և ըստ այդմ՝ այո, նման հնարավորությունը ներկայումս առկա է»,- պարզաբանեց ՆԳ նախարարի տեղակալը:
Latest from Live24
- ՀԷՑ-ը կոպեկ առ կոպեկ պետք է փոխհատուցի քաղաքացիներին, եկել է ՀԷՑ-ի ազգայնացման հարցը քննարկելու ժամանակը. Կոնջորյան (տեսանյութ)
- ԱՄՆ դեսպանատունը հորդորում է խուսափել Երևանում Իրանի դեսպանատուն, Կապույտ մզկիթ և այլ վայրեր այցերից
- ՔՊ-ական Արթուր Հովհաննիսյանն ԱԺ ամբիոնից Վեհափառին շնորհավորել է Հայրերի օրվա կապակցությամբ
- Եթե Թրամփը միանա Իրանի դեմ գործողություններին, կամ Իսրայելին ռազմական աննախադեպ օգնություն տրամադրի, ապա իրավիճակը մեզ համար առավել կբարդանա․ միջազգայնագետ
- Թրամփը սատկած ձի վարելու ընթացքում է. Իրանի դեսպան
- Ո՞վ էր Սամվել Կարապետյանը. դեմքը կարո՞ղ եմ տեսնել. Ալեն Սիմոնյան. Տեսանյութ
- Որքան պատերազմը երկարի, այնքան Հայաստանի համար անկանխատեսելի հետևանքներ կարող են լինել. Սերժ Սարգսյան. Տեսանյութ
- Հայտնի են «Մաթեմատիկա» առարկայի քննության թեստերն ու պատասխանները
Լրահոս
Prev
Next
Ֆոտո
