Իսրայելի ռազմաօդային ուժերը հարվածներ են հասցրել Լիբանանի հարավին. կա զոհ
Իսրայելի մարտական ավիացիան մի շարք հարվածներ է հասցրել Լիբանանի Մուսեյլիհ և Նաջարիա բնակավայրերի միջև ընկած շրջանում: Այս մասին հայտնում է ՌԻԱ Նովոստին՝ վկայակոչելով լիբանանյան Al-Mayadeen հեռուստաալիքը։
«Մեկ մարդ զոհվել է, մի քանիսը՝ վիրավորվել Մուսեյլիհի և Նաջարիայի միջև իսրայելական վերջին ավիահարվածների հետևանքով», - տեղեկացնում է հեռուստաալիքը:
Մեկ այլ աղբյուրի համաձայն՝ Իսրայելի ռազմաօդային ուժերի հարվածների հետևանքով ոչնչացվել է տեղի բնակչին պատկանող բանջարեղենային ֆուրգոնը: Տղամարդը մահացել է, իսկ նրա եղբայրը ծանր վնասվածքներ է ստացել։
Իր հերթին Լիբանանի նախագահ Ջոզեֆ Աունը հայտարարել է. «Գազայում զինադադարի կնքումից հետո իսրայելական ագրեսիան լուրջ մարտահրավեր է Լիբանանի և միջազգային հանրության համար»:
Լիբանանի իշխանությունները միջազգային հանրությանը կոչ են արել միջոցներ ձեռնարկել՝ շարունակվող խախտումները դադարեցնելու և քաղաքացիական բնակչությանը պաշտպանելու համար:
Իսրայելի բանակն իր հերթին հայտարարել է, որ ռազմաօդային ուժերի հարվածները կենտրոնացած են եղել «Հզբոլլահ» շարժման ենթակառուցվածքի, այդ թվում՝ ինժեներական տեխնիկայի վրա, որը գործի է դրվել շարժմանը պատկանող կառույցների վերականգնման աշխատանքներում:
Latest from Live24
- Հայաստանում Չեչնիայի քաղաքացուն uպանnղների նկատմամբ հայտարարվել է հետախուզում. ՔԿ
- Ռուբինյանն ԱՄՆ պետքարտուղարի տեղակալի հետ քննարկել է Հայաստան-Թուրքիա հարաբերությունների կարգավորման գործընթացը
- ՆԱՏՕ-ի և Ռուսաստանի միջև պատերшզմը կարող է սկսվել մինչև 2029 թվականը. Գերմանիայի ՊՆ
- ՀՀ զինված ուժերում այսօր նշվում է բուժծառայողի մասնագիտական օրը
- Մասիսի ղեկավար ընտրվեց Նորայր Հակոբյանը
- ԱՄՆ-ում վթարի է ենթարկվել Վենսի ավտոշարասյունը
- Բջջայինների օգտագործումը դպրոցներում սահմանափակվում է․ ի՞նչ քայլեր է ձեռնարկում քաղաքապետարանը
- Իրանը սկսել է տեղումնաբեր ամպեր բերելու գործողություններ իրականացնել
Լրահոս
Ֆոտո
