Նոյեմբերի 29, 2025
Իսրայելը բանտերից կազատի բոլոր պաղեստինցի երեխաներին և կանանց. Գազայում ՀԱՄԱՍ-ի ղեկավար
Իսրայելը բանտերից ազատ կարձակի բոլոր պաղեստինցի երեխաներին և կանանց: Այս մասին հայտարարել է Գազայում ՀԱՄԱՍ շարժման ղեկավար Խալիլ ալ-Հայան, նրա խոսքերը մեջբերում է ՌԻԱ Նովոստին։
«Ազատ կարձակվեն 250 պաղեստինցի բանտարկյալներ, որոնք դատապարտվել են ցմահ ազատազրկման, ինչպես նաև Գազայի հատվածի 1700 բնակիչներ, որոնք ձերբակալվել են հոկտեմբերի 7-ից հետո (2023թ.-ի՝ խմբ.): Նաև ազատ կարձակեն բոլոր կանանց և երեխաներին»,-ասել է ալ-Հայան ելույթի ժամանակ, որը հեռարձակել են արաբական հեռուստաալիքները։
Ավելի վաղ հայտնի էր դարձել, որ Եգիպտոսի և Կատարի միջնորդությամբ Իսրայելի և ՀԱՄԱՍ-ի միջև հրադադարի մասին պայմանավորվածությունների շրջանակներում համաձայնություն է ձեռք բերվել գերիների և բանտարկյալների փոխանակման մասին:
Իսրայելական և արաբական ԶԼՄ-ների հաղորդմամբ՝ փաստաթուղթը ենթադրում է մի քանի օր ժամկետով ժամանակավոր հրադադար, որի ընթացքում կողմերը կփոխանակեն պահվող անձանց: Իսրայելը պետք է հարյուրավոր պաղեստինցիների ազատի իր բանտերից, իսկ ՀԱՄԱՍ-ը պետք է իսրայելական կողմին փոխանցի Գազայում պահվող կանանց, երեխաներին և տարեց պատանդներին:
Փոխանակման նոր փուլի շուրջ բանակցությունները շարունակվում են եգիպտացի և կատարցի միջնորդների ակտիվ մասնակցությամբ:
Latest from Live24
- Օդի ջերմաստիճանը կնվազի 3-4 աստիճանով. սպասվում է առանց տեղումների եղանակ
- Ուկրաինայի պատվիրակությունը մեկնել է ԱՄՆ՝ Թրամփի խաղաղության ծրագիրը քննարկելու համար
- ԱՄՆ իշխանությունները պահանջել են Երմակին հեռացնել աշխատանքից. պատճառը հայտնի է
- Կատակերգու Զելենսկին ԱՄՆ-ի հետ բանակցություններից առաջ մնաց առանց «պրոդյուսերի»
- Աբբաս Արաղչին ԵՄ բարձրաստիճան դիվանագետի հետ քննարկել է Իսրայելի շուրջ ստեղծված իրավիճակը և Թեհրանի ատոմային դոսյեն
- Թուրքիայում գտնվող Հռոմի Պապն այցելել է Ստամբուլի Սուլթանահմեթ մզկիթ
- Ուիթքոֆը կհանդիպի Պուտինի հետ հաջորդ շաբաթվա առաջին կեսին. Կրեմլ
- Երմակը հրաժարականից հետո հայտարարել է, որ մեկնում է ռազմաճակատ
Լրահոս
Prev
Next
Ֆոտո
