Ռուսաստանի նախագահ Վլադիմիր Պուտինը շքեղության հարկի ներդրման գաղափարը համարում է ողջամիտ։ Սակայն, հավելել է նա, կարևոր է պատշաճության սահմանները չանցնել, գրում է «Коммерсантъ»-ը։

Նա որպես օրինակ բերել է Միացյալ Նահանգները, որը Վիետնամի և Կորեայի պատերազմների ժամանակ բարձրացրել է բարձր եկամուտ ունեցող քաղաքացիների հարկերը։ 

«Ըստ էության, մենք այդպես էլ վարվում ենք»,- Պետդումայի խմբակցության ղեկավարների հետ հանդիպման ժամանակ ասել է Պուտինը։

Ֆինանսների նախարար Անտոն Սիլուանովը հայտարարել է, որ առաջիկա տարիներին Ռուսաստանի համար հարկային օրենսդրության մեջ խոշոր փոփոխություններ չեն նախատեսվում, ներառյալ՝ հարուստների համար։

Շքեղության հարկի ներդրման առաջարկի վերաբերյալ ֆինանսների նախարարը պատասխանել է, որ հարուստ մարդիկ ևս եկամտահարկ են վճարում։