Ամփոփելով օրը` Բագրատ Սրբազանն ասաց. «Մենք այսօր առավոտյան շատ մեծ խմբով` մեծով փոքրով շատ խաղաղ գնացել ենք Արտաքին գործերի նախարարություն, թեպեդ խորքում չկա այդպիսի նախարարություն:

Ինչո՞ւ ենք գնացել. արդեն քանի ամիս է` վերջին օրերին` ավելի ինտենսիվ, ադրբեջանաթուրքական իշխանությունը բոլոր խողովակներով, անգամ` նախագահական մակարդակներով, սպառնալիքներ է տեղում Հայաստանի հասցեին:

Վերջինը եղավ այն, որ սպառնացին, թե էլիտար զորքեր կմտցնենք Հայաստան, որպեսզի օգնենք Փաշինյանին:

Եվ մի բառ անգամ այս մարդկանց բերանից դուրս չի գաիս:

Ես հստակ ասում եմ` սա միայն ձեզ չի ուղղված, սա ամբողջ հայ ժողովրդին է ուղղված:

Դուք չունեք արժանապատվություն ու պատիվ, մենք ունենք:

Ասել եմ` կամ դուք իջեք, կամ մենք բարձրանանք ձեզ մոտ, ու բացատրություն տվեք: Ձեր ընկերն ասում է` Խոջալուի համար պատասխան պիտի տաք: Մի բառ ասեք, թե՞ արդեն ասել եք, դե գիտենք` գիշերային խաղերի մեջ եք Բաքվի հետ»:

«Թողեք, թողեք, թողեք, ի, թողեք ես խփեմ»,- հայտնի երգով համացանցը ծաղրում է կարմիրբերետավորին, ով կտրվել էր յուրայիններից, սակայն ամեն կերպ փորձում էր մտնել հրահրոցի մեջ ու ցուցարար ծեծել:

Նրան խանգարում էին ականատեսները, ակցիայի մասնակիցները:

ԱԳՆ շենքի դիմաց ոստիկանների գործողությունների հետևանքով գլխի հատվածում վնասվածք է ստացել հոգևորական Գոռ Հակոբյանը։

Քաղաքագետ Արա Պողոսյանը հրապարակել է նրա լուսանկարը, որտեղ Հակոբյանի գլուխը վիրակապված է ու գրել է.

«Ուժեղ ընկերս՝ Գոռ Հակոբյան, օրինակ բոլորի համար, մարդ, ով առանց հետին ակնկալիքի իր հանգիստ կյանքը նվիրել է պայքարին, ում կյանքն ու առօրյան դարձել են պայքար։

Իսկ ոստիկանները, ովքեր ենիչերիների ու համիդիական ջոկատների նման ասպատակում են իրենց խաղաղ բողոքը տեղ հասցնող ակցիաներով իրենց սահմանադրական իրավունքներին տեր կանգնող քաղաքացիների վրա, պետք է հիշեն` ինչ արդարությամբ գործեն, նույն արդարությամբ պիտի փորձվեն։

Սա է ճշմարտությունը, իսկ Գոռը և մնացածը, ովքեր պայքարում են թուրքական օկուպացիոն վարչակարգի դեմ, նրանցն է Ավետյաց երկիրը»։

«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացնում է հունիս ամսվա եղանակի կանխատեսումը։

Օդի ամսական միջին ջերմաստիճանը հանրապետության ողջ տարածքում կանխատեսվում է նորմային մոտ, տեղումների քանակը՝ նորմայից ավել։

Մայիսի 29-31-ը ՀՀ ՊՆ ռազմական ոստիկանությունում ՆԱՏՕ-ի ռազմական ոստիկանության հրահանգիչներն անցկացրել են մասնագիտական վարժանքներ, որոնց մասնակցել են ՌՈ տարբեր ստորաբաժանումների զինծառայողներ:

Վարժանքների ընթացքում հրահանգիչները ներկայացրել են ՆԱՏՕ-ի հիմնական չափորոշիչներով ՌՈ կայունության գործողությունների մարտավարությունը, մեթոդները և ընթացակարգերը։

Վարժանքների ավարտին մասնակիցներին շնորհվել են հավաստագրեր:

Անձնական տվյալների պաշտպանության գործակալությունը հայտարարություն է տարածել՝ տեղեկացնելով, որ վերջին օրերին համացանցում նոր խաբեություն է տարածվում, որի հիմքում հեշտ գումար աշխատելու վերաբերյալ հաղորդավար Գարիկ Մարտիրոսյանի կեղծ հարցազրույցն է:

«Հայաստանյան լրատվամիջոցներից մեկի կեղծ էջում հրապարակված հարցազրույցում հաղորդավարն իբրև թե բացահայտում է մի կայք, որի միջոցով փոքր ներդրում կատարելով` հնարավոր է մեծ գումարներ վաստակել: Իրականում նման հարցազրույց հաղորդավարը չի տվել, և վերջինիս անունից տարածվող կոչը կեղծ է, ու անցնելով նշված հղումով՝ առկա են անձնական տվյալների ու ֆինանսական միջոցների կորստի վտանգ:

Կոչ ենք անում չհավատալ նման հրապարակումներին, և որևէ կայքում գրանցվելուց առաջ ստուգել հրապարակման իսկությունը ու վերջինիսի արժանահավատությունը»,- ասված է հաղորդագրության մեջ:

Հայաստանի հյուսիսում պատուհասած ավերիչ ջրհեղեղներից հետո կառավարությունը Եվրահանձնաժողովին խնդրել է ակտիվացնել ԵՄ քաղաքացիական պաշտպանության մեխանիզմը։

Այս մասին գրել է Եվրամիությունում Հայաստանի դեսպան Տիգրան Բալայանը։

Հիշեցնենք` մայիսի 26-ի գիշերը տեղատարափ անձրևի պատճառով Լոռու և Տավուշի մարզերում Դեբեդ, Աղստև և Տաշիր գետերի վարարման հետևանքով 4 մարդ է մահացել։

Ունենալու ենք անխուսափելի հայաթափում Կիրանցում և ամբողջ Հայաստանի պաշտպանական համակարգի թուլացում։

Այս մասին թելեգրամյան իր ալիքում գրել է թյուրքագետ Վարուժան Գեղամյանը։

«Սա Կիրանց գյուղն է, որի տարածքները անցյալ շաբաթ Հայաստանի դե-ֆակտո կառավարիչը հանձնեց Ադրբեջանին: Հանձնված տարածքները նշված են կապույտով և մանուշակագույնով (քարտեզը պատրաստել է լրագրող Դավիթ Գալստյանը):

Այդ հանձնումով գյուղը ոչ միայն դարձավ անպաշտպան, այլև փաստացի զրկվեց իր հիմնական գյուղատնտեսական հողերից (նշված է դեղինով), որովհետև դեպի իրենց արտերը տանող ճանապարհը այլևս վերահսկվում է ադրբեջանական բանակի կողմից:

Արդյունքում` ունենալու ենք անխուսափելի հայաթափում Կիրանցում և ամբողջ Հայաստանի պաշտպանական համակարգի թուլացում:

Իսկ առաջիկա շաբաթներին Կիրանցում եղած զիջումների նման նոր զիջումներ են պատրաստվում Տավուշի և Արարատի մարզի այլ հատվածներում, որոնք կարելի է կասեցնել, եթե Սրբազան պայքարը հաջողի»,-գրել է նա։

ՀՀ ԱԳՆ շենքի մոտից բերման է ենթարկվել ակցիայի 29 մասնակից։ Այս մասին քիչ առաջ հայտնել են ՆԳՆ ոստիկանությունից:

Հիշեցնենք՝ ԱԳՆ շենքի մոտից ոստիկանները բերման են ենթարկել հոգևորականների և հարվածներ հասցրել լրագրողներին։ 

Դանիել Սարկավագի ինքնազգացողությունը վատացել է, նրան շտապօգնության մեքենայով տարել են հիվանդանոց։ Այս մասին հայտնում է փաստաբան Վահան Հովհաննիսյանը՝ հրապարակելով Դանիել սարկավագի լուսանկարները։

Նա այժմ գտնվում է Թիվ 1 համալսարանական հիվանդանոցում:

ՈՒՂԻՂ. Սրբազանն ամփոփում է օրը