Մեծ Բրիտանիայի նախկին վարչապետ Բորիս Ջոնսոնն այսօր ընդհատել է արձակուրդը՝ սկսելու Պահպանողական կուսակցության նոր առաջնորդի և կառավարության ղեկավարի ընտրության քարոզարշավը:
Ինչպես հայտնում է The Telegraph-ը, Ջոնսոնն այսօր կվերադառնա Կարիբյան ավազանից հանգստից, իսկ շաբաթ օրը նախատեսված է նրա արշավի կողմնակիցների հանդիպումը՝ Ջեյքոբ Ռեզ-Մոգի գլխավորությամբ։
Ջոնսոնն արդեն մասնավոր կերպով կոչ է անում պահպանողական պատգամավորներին աջակցել իր վերադարձին Դաունինգ Սթրիթ՝ խոստանալով, որ միայն ինքը կարող է թորիների համար հաղթանակ ապահովել հաջորդ ընդհանուր ընտրություններում:
Նախկին վարչապետը մեկ այլ պոտենցիալ թեկնածու Ռիշի Սունակին խնդրում է կապ հաստատել իր հետ և կառավարությունում «կրկին միասին լինել»։
Վարչապետի պաշտոնը թողնելուց հետո երկրորդ ժամկետով կարողացել են վերադառնալ միայն լեյբորիստ Հարոլդ Ուիլսոնը, իսկ նրանից առաջ՝ Ջոնսոնի քաղաքական կուռք սըր Ուինսթոն Չերչիլը։
0Comments