Անհատական փոխանցումները 2021 թվականի հունվար-մարտ ամիսներին նախորդ տարվա նույն ժամանակահատվածի համեմատ աճել են 47 տոկոսով: Այս մասին մայիսի 4-ին լրագրողների հետ հանդիպման ժամանակ ասաց ՀՀ կենտրոնական բանկի մակրոտնտեսական վարչության տնօրեն Արմեն Նուրբեկյանը:
Ըստ նրա՝ այս ցուցանիշի աճը 2021 թվականի մարտին 2020 թվականի մարտի համեմատ 145 տոկոս է կազմել:
«Մաքուր ներհոսքը 2021 թվականի մարտին 65.9 միլիոն դոլար է կազմել, իսկ հունվար-մարտին՝ 129.1 միլիոն դոլար», - ասաց Նուրբեկյանը:
ՀՀ կենտրոնական բանկի նախագահ Մարտին Գալստյանի խոսքով՝ այս ցուցանիշի աճը կապված է նաեւ արտերկրում աշխատանքի մեկնող քաղաքացիների թվի աճի հետ:
0Comments