Սեպտեմբերի 14
Իմ անունը այն Զորությունն է, որ վանում է չարը և օգնության կանչում բարի ուժերին: Չար ոգիները փախչում են «Հիսուս» անունը լսելիս: Երբ տրտմությունն ու թախիծը պաշարում են ձեզ, երբ գիտակցելով ձեր տկարությունն ու անօգնականությունը՝ սիրով ու երկյուղածությամբ Իմ Անունն եք տալիս, Ես անհապաղ պատասխանում եմ այդ կանչին: «Հիսուս»:
Հաճախ գործածիր Իմ Անունը: Տես՝ այն որքան նման է Մայրիկ բառին, որ ամեն երեխա ասում է: Նա կանչում է «Մայրիկ», որ մայրը գա և իրեն օգնի, խնամի, իր կարիքները հոգա և դուրս բերի դժվարին կացությունից: Դուք էլ գործածեք Իմ Անունը այդ նույն ձևով, բնական ձայնով, պարզորեն, ինքնաբուխ ու ուժգին ասելով՝ «Հիսուս»:
Օգտագործեք Այն ոչ միայն օգնության ու կարիքի դեպքում, այլև արտահայտելու համար ձեր Սերը: Երբ Իմ Անունը բարձր կամ ցածր արտասանվի սրտի լռության մեջ, աններդաշնակ մթնոլորտը սիրով ու խաղաղությամբ կհամակվի: Այն բարձրացնելով կիմաստավորի ձեր մտածումների ու խոսքի արժեքը: «Հիսուս»: «Երկնքի տակ չկա ուրիշ անուն, որով կարողանաք փրկվել»:
0Comments