Ալկոհոլ ընդունելուց հետո մեկ ժամվա ընթացքում կաթվածի հավանականությունը կրկնակի աճում է

^{Ցանկացած ալկոհոլային ըմպելիքի գործածումից հետո մեկ ժամվա ընթացքում մարդու մոտ կաթվածի զարգացման հավանականությունը կրկնակի մեծանում է: Նման ցնցող եզրահանգում են կատարել Հարվարդի բժշկական դպրոցի գիտնականները:}

^{Նրանց խոսքով՝ կաթվածի հավանականության մեծացման համար բավական է նույնիսկ ալկոհոլի մեկ չափաբաժին խմելը, ընդ որում՝ ցանկացած, լինի գինի, գարեջուր թե օղի:}

^{Գիտնականները վերլուծել են կաթված տարած 390 պացիենտների հիվանդության պատմությունը եւ պարզել, որ սթափ ժամանակ կաթվածի հավանականությունը մարդկանց մոտ ոչ միայն համեմատաբար ցածր է եղել, այլ նաեւ կայուն ցածր: Սակայն ալկոհոլ ընդունելուց հետո կաթվածի զարգացման հավանականությունն անմիջապես կտրուկ աճել է. խմելուց հետո առաջին ժամվա ընթացքում կաթվածի հավանականությունը մեծանում էր 2,3 անգամ, երկրորդ ժամվա ընթացքում բարձր էր մնում 1,6 անգամ}

^{Մասնագետների խոսքով՝ ալկոհոլի գործածումից հետո նույնիսկ մեկ օր անց կաթվածի հավանականությունը, միեւնույն է, բարձր է մնացել՝ այն շրջանների համեմատությամբ, երբ մարդիկ երկար ժամանակ չեն խմել:}

^{Հետազոտողների ենթադրությամբ՝ սա կարող է կապված լինել արյան բարձր մածուծիկության հետ, որը նկատվում է օրգանիզմ ալկոհոլ ստացվելուց անմիջապես հետո: Սա կարող է բերել թրոմբների առաջացման եւ ուղեղի անոթների խցանման, գրում է NEWS.am Medicine:}