Այսօր Տավուշում՝ Կիրանց-Բերքաբեր հատվածում ականապայթյունային վնասվածք է ստացել պայմանագրային զինծառայող Գ.Մարդանյանը (ծնվ. 1980թ.)։ Այս մասին հայտնում է «Տավուշը հանուն հայրենիքի» շարժումը։
Ավելի վաղ ԱԺ «Հայաստան» խմբակցության պատգամավոր Գառնիկ Դանիելյանը Կիրանցում հայտարարել էր, որ իր տեղեկություններով՝ Տավուշում ականազերծման ընթացքում տեղի է ունեցել ականի պայթյուն, ինչի հետեւանքով զինծառայող է վիրավորվել։
«Ականապայթյունային վնասվածք ստացած զինծառայող կա, որի կյանքին վտանգ չի սպառնում, վիճակը գնահատվում է բավարար»,- հայտնել են Պաշտպանության նախարարությունից։
0Comments