ԱՄՆ նախագահ Ջո Բայդենը ամենամյա բուժզննում անցնելուց հետո ասել է, որ իր հետազոտության արդյունքներում նորություն չկա, հայտնել է Reuters-ը։
«Անցած տարվանից ոչնչով չի տարբերվում։ Ես առողջ եմ։ Ամեն ինչ հիանալի է», - մեջբերում է հրատարակությունը ամերիկացի առաջնորդի խոսքերը։
NBC News-ին հայտնի է դարձել, որ Բայդենն այսօր հետազոտություն անցնելուց հետո ասել է, որ «ամեն ինչ կարգավորվել է» և կատակել է, որ բժիշկները կարծում են, որ նա «չափազանց երիտասարդ է»: Անցյալ տարի բժիշկները հայտարարեցին, որ Բայդենն առողջ է, եռանդուն և կարող է հաջողությամբ կատարել նախագահական պարտականությունները:
Սպիտակ տան մամուլի քարտուղար Կարին Ժան Պիերն իր հերթին ճեպազրույցում ընդգծել է, որ Բայդենը մտավոր կարողությունների գնահատման կարիք չունի։
«Նախագահը մտավոր կարողությունների գնահատման կարիք չունի։ Սա իմ գնահատականը չէ, սա նախագահի բժշկի և նախագահի նյարդաբանի գնահատականն է»,- ճեպազրույցում ասել է նա։
Սպիտակ տան խոսնակը նշել է, որ Բայդենը «ամեն օր ճանաչողական գնահատումներ է անցնում», և բժշկի հետ անցկացրած 15 րոպեն որևէ աննորմալություն չի բացահայտի:
0Comments