Չինաստանն ավելացրել Է դրոնների մատակարարումները Ռուսաստանին. Bloomberg
Ուկրաինայի նախագահ Վոլոդիմիր Զելենսկին հայտարարել է, որ Չինաստանը դադարեցրել է անօդաչու սարքերի վաճառքը Կիևին և մյուս եվրոպական երկրներին, սակայն շարունակում է դրանք մատակարարել Ռուսաստանին։ «Ռուսաստանի տարածքում կան արտադրական գծեր, որտեղ կան չինացի ներկայացուցիչներ»,- հավելել է նա՝ լրագրողների հետ հանդիպման ժամանակ։
Եվրամիությունն էլ իր հերթին է հայտարարել, որ Չինաստանը կրճատել է արևմտյան գնորդներին անօդաչուների որոշ բաղադրիչների մատակարարումները, միաժամանակ ավելացրել դրանց արտահանումը դեպի Ռուսաստան, նշել Է գործակալության զրուցակիցը:
Պեկինը պարբերաբար հերքում է պատերազմող կողմերից որևէ մեկին զենքի մատակարարումը և պնդում է, որ վերահսկում է ռազմական նպատակներով օգտագործվող կրկնակի նշանակության ապրանքների արտահանումը։
Մեկ այլ տեղեկության համաձայն՝ ԱՄՆ-ի, Գերմանիայի, Հարավային Կորեայի, Ճապոնիայի և այլ պետությունների ստեղծած պատժամիջոցների մոնիթորինգի բազմակողմ խմբի (MSMT) զեկույցում, որը հրապարակվել է մայիսի 29-ին, նշված է, որ անցյալ տարվա վերջից Ռուսաստանը Հյուսիսային Կորեային հեռահար սպառազինություն է մատակարարում:
Մասնավորապես, խումբը պարզել է, որ Մոսկվան Փհենյանին է հանձնել առնվազն մեկ «Պանցիր» հակաօդային պաշտպանության համակարգ, ինչը հակասում է ԿԺԴՀ-ի դեմ սահմանված ՄԱԿ-ի պատժամիջոցներին, որոնք ներառում են Փհենյանին զենքի մատակարարման արգելքը։
Latest from Live24
- Հեզբոլլահը ներգրավվել է հակամարտության մեջ
- Մոսադի շենքը խոցվել է Իրանի զինված ուժերի հրթիռային հարվածից
- Իրանական հրթիռները հարվածում են իսրայելական նշանակետերին
- Իսրայելը կրկին հրթիռակոծվում է․ Հայֆայից մինչև Թել Ավիվ տագնապի ազդանշաններ են հնչել
- «Ահեղ դատաստան» ռադիոկայանը» հանելուկային տեղեկություն է տարածել 4 625 կՀց հաճախականությունում
- Իրանա–իսրայելական սրացումը հետաձգել է Չինաստանից Հայաստան մուլտիմոդալ միջանցքի գործարկումը
- ՌԴ-ն 175 ԱԹՍ-ով և ավելի քան 15 թևավոր հրթիռով հարվածել է Կիևին. կա 14 զոհ, 44 վիրավոր
- Թրամփը Ուիտկոֆին և Վենսին առաջարկել է հանդիպել իրանցի պաշտոնյաների հետ
Լրահոս
Ֆոտո
