Անկարան պատրաստ է հյուրընկալել Թրամփին, Պուտինին և Զելենսկուն. Ֆիդան
Ստամբուլում Ուկրաինայի և Ռուսաստանի պատվիրակությունների միջև տեխնիկական բանակցությունների երկրորդ փուլից հետո Թուրքիան հույս ունի հյուրընկալել Ռուսաստանի, Ուկրաինայի և Միացյալ Նահանգների նախագահներին, հայտարարել է Թուրքիայի արտգործնախարար Հաքան Ֆիդանը։
«Մենք անկեղծորեն կարծում ենք, որ Ստամբուլում ուղիղ բանակցությունների առաջին և երկրորդ փուլերին կարող է հաջորդել Թրամփի, Պուտինի և Զելենսկու հանդիպումը [Թուրքիայի նախագահ] Էրդողանի գլխավորությամբ», - ասել է դիվանագետը (մեջբերում է AFP-ն)։
Ֆիդանը ներկայումս այցով գտնվում է Կիևում, որտեղ նա պլանավորել է հանդիպում Վլադիմիր Զելենսկու հետ։ Դրանից կարճ ժամանակ առաջ թուրք դիվանագետը այցելել է Մոսկվա։
Ֆիդանի խոսքով՝ Ուկրաինայի ՆԱՏՕ-ին հնարավոր անդամակցության հարցը չի բարձրացվել, երբ նա Մոսկվայում էր։
Ուկրաինան դեռևս պաշտոնապես չի հաստատել իր մասնակցությունը բանակցությունների երկրորդ փուլին, որը Ռուսաստանը առաջարկել է անցկացնել հունիսի 2-ին։
Ուկրաինայի արտգործնախարար Անդրեյ Սիբիգան հայտարարել է, որ Կիևը դեռևս սպասում է Մոսկվայից խաղաղ կարգավորման վերաբերյալ հուշագրի։
Միևնույն ժամանակ, Ուկրաինայի նախագահի գրասենյակի ղեկավար Անդրեյ Երմակը հայտարարել է, որ Կիևը պատրաստ է մասնակցել բանակցությունների նոր փուլին։
Latest from Live24
- Իրանա–իսրայելական սրացումը հետաձգել է Չինաստանից Հայաստան մուլտիմոդալ միջանցքի գործարկումը
- ՌԴ-ն 175 ԱԹՍ-ով և ավելի քան 15 թևավոր հրթիռով հարվածել է Կիևին. կա 14 զոհ, 44 վիրավոր
- Թրամփը Ուիտկոֆին և Վենսին առաջարկել է հանդիպել իրանցի պաշտոնյաների հետ
- Հրադադար է հայտարարվել. «Հրապարակ»
- Իրանը սպանել է Իսրայելի ռազմաօդային ուժերի հրամանատար, գեներալ-մայոր Թոմեր Բարին
- «Թրամփը հանձնարարել է շտապ հանդիպում կազմակերպել Իրանի հետ». #CNN
- Զինծառայության վերաբերյալ աղմկահարույց օրինագիծը չընդունվեց
- Իսրայելը սպանել է Իրանի ԶՈՒ նորանշանակ շտաբի պետին
Լրահոս
Ֆոտո
