Համբերությանս բաժակը լցվել է. Բալասանյանն արձագանքել է Նիկոլ Փաշինյանին
Մայիսի 07, 2025

Համբերությանս բաժակը լցվել է. Բալասանյանն արձագանքել է Նիկոլ Փաշինյանին

Գյումրու նախկին քաղաքապետ Սամվել Բալասանյանն այսօր արձագանքել է Գյումրիում Նիկոլ Փաշինյանի հնչեցրած հայտարարություններին.

«Սիրելի՛ հայրենակիցներ, սիրելի՛ գյումրեցիներ,

Վարչապետի պաշտոնը զբաղեցնող հայտնի անձը Գյումրիում անցկացվող իրենց նախընտրական միջոցառման ժամանակ անդրադարձել է ինձ , հայտարարելով  «Սև Բերդ» ամրոցի ապօրինի սեփականաշնորհման մասին:

Առողջությանս հետ կապված և իմ ընտանիքին բաժին հասած փորձությունների բերումով՝ երկար ժամանակ չեմ անդրադարձել տվյալ անձի հայտարարություններին , սակայն համբերությանս բաժակը լցվել է:

Այս ամենի մեջ ամենազավեշտալին այն է, որ նա նույնիսկ տեղյակ չէ, որ շինծու  քրեական գործը վերաբերվում Է ոչ թե «Սև Բերդ» ամրոցին այլ  դրան հարակից հողերին: Կարծում եմ, քեզ զեկուցող տգետներ շատ կան:

Բոլոր գյումրեցիները գիտեն, թե ինչ վիճակում է գտնվել  «Սև Բերդ» ամրոցը մասնավոր անձից իմ գնելուց առաջ, նորից եմ կրկնում՝ ՄԱՍՆԱՎՈՐ ԱՆՁԻՑ և ինչ է դարձել հիմա: Մշակութային, մարզական, պետական(որոնց մասնակցել ես ինքդ) մակարդակի ինչ միջոցառումներ են տեղի ունեցել «Սեւ բերդ»-ում՝ բացարձակապես անվճար, մինչ օրս քաղաքի տուրիստական զարդն է՝ նորից անվճար: Ձեր խղճուկ խմբակը Գյումրիի զբոսաշրջային զարգացման համար չի արել 10 տոկոսն այն ամենի, ինչ արել է «Սև Բերդ» ամրոցը ՝ մեր քաղաք հարյուր հազարավոր այցելուներ բերելով ու դառնալով թիվ մեկ այցեքարտը:

Ինչ վերաբերում է «Սև Բերդ»-ի ապօրինի լինելուն, խորհուրդ եմ տալիս նախքան մեղադրելը,անմեղության կանխավարկած խախտելը,քո ելույթով պետական ողջ գործիքակազմը իմ ընտանիքի դեմ տրամադրելը՝ ստանալ  ճիշտ տեղեկություններ:
«Սև Բերդ» ամրոցը մեր ընտանիքը ձեռք է բերել նախկին սեփականատիրոջից այլ ոչ թե
համայնքից: Այնպես որ, «Սև Բերդ» ամրոցը  չի կարող դառնալ  քո սիրելի #հատիկառհատիկի կոնտենտ և հայտնվել ռենջ ռովեռի կողքին:

Մարդկային, բարոյական բոլոր սահմանները անցած անձին, խորհուրդ եմ տալիս  հեռու մնալ ինձանից և իմ ընտանիքից:

Սիրելի՛ հայրենակիցներ, սիրելի՛ գյումրեցիներ,

Առողջական խնդիրներս կարգավորվելուն պես վերադառնալու եմ Գյումրի: Ինձ հետ կապված բոլոր շինծու մեղադրանքներին իրավական և քաղաքական պատասխանը տալու եմ, իսկ որդուս՝ Խաչատուր Բալասանյանի գործով «իրավական գործընթացը» դատաքննությունը մտել է բաց փուլ, իրավական ֆարսը բոլորի համար ակնհայտ է լինելու, չնայած այս խմբակի գործողություններում իրավական հետք փնտրելը անիմաստ է:

Այդ անձը խոսեց «վերջին բոյի» մասին, ասեմ որ վերջին բոյ պետք էր տալ ուրիշ տեղ, այլ ոչ թե Գյումրիում՝ «Սև Բերդ»- ի դեմ:

Սիրելի գյումրեցիներ, իմ կոչն է ձեզ՝ ակտիվորեն մասնակցել Գյումրիում կայանալիք ավագանու արտահերթ ընտրություններին՝ մինուս մեկ ձևաչափով, մերժելով մեր ազգին սև ու սպիտակի բաժանած խմբակին և նրանց դրածոյին:                       

Աստված Պահապան Հայ Ազգին»։

Rate this item
(0 votes)

Լրահոս

Ֆոտո

Apple-ն առաջիկա տարիներին iPhone-ի արտադրությունն ամբողջությամբ կտեղափոխի Հնդկաստան

Էջմիածնում դաժանաբար ծեծի ենթարկված 22-ամյա տղան մահացել է

Հնդկաստանը հրթիռակոծել է Պակիստանի տարածքը, Իսլամաբադը պատասխանել է. կան զոհեր ու վիրավորներ

Վատիկանում մեկնարկում է կոնկլավը՝ Հռոմի նոր պապին ընտրելու համար

Այսօր տեղումներ չեն լինի․ Օդի ջերմաստիճանն աստիճանաբար կբարձրանա 4-7 աստիճանով. եղանակի տեսություն

Սյունիքի նախկին մարզպետին հրավիրել են դատախազություն

Պատրաստ ենք դադարեցնել ռազմական հակամարտությունը, եթե Հնդկաստանն էլ դա անի. Պակիստանի պաշտպանության նախարար

ՌԴ 13 օդանավակայաններ գիշերը դադարեցրել են չվերթները. Մոսկվայից Երևան 5 չվերթներ հետաձգվել են

«Հրապարակ». ԱԺ-ում ծնունդ էին նշում ե՛ւ իշխանականները, ե՛ւ ընդդիմադիրները

«Սա ամոթ է». Թրամփը արձագանքել է Հնդկաստանի կողմից Պակիստանի վրա հարվածներին

«Իրավունք». Փաշինյանը Ավինյանին հրահանգել է ոչ մի դեպքում Նոր Նորքի թաղապետին չկպնել

«Հրապարակ». Գյումրիում իշխանությունը խլելու օպերացիաներ են սկսել

«Ժողովուրդ». ՔՊ-ին ներքին կարգով ասել են

«Հրապարակ». Գլխավոր հերոսը ոչ թե «Սմայլիկ» անունով դուստրն էր, այլ ՔՊ-ական հայրը

Ռուսաստանը բալիստիկ հրթիռներով հարվածել է ուկրաինական Սումի քաղաքին. կան զոհեր