Իրանի գերագույն առաջնորդ այաթոլլա Ալի Խամենեիի սպանությունը չի սրի հակամարտությունը, այլ կավարտի այն: Այս մասին հայտարարել է Իսրայելի վարչապետ Բենիամին Նեթանյահուն ABC News-ին տված հարցազրույցում։

Այդպես է նա մեկնաբանել արևմտյան լրատվամիջոցների հաղորդագրությունները, թե ԱՄՆ նախագահ Դոնալդ Թրամփը «վետո» է դրել Խամենեիին սպանելու Իսրայելի ծրագրի վրա՝ հակամարտությունը սրելու վախից։

«Իրանը «հավերժական պատերազմ» է ուզում, և նրանք մեզ դնում են միջուկային պատերազմի շեմին: Իրականում Իսրայելը փորձում է կանխել դա, վերջ տալ այս ագրեսիային, և մենք դա կարող ենք անել միայն չարի ուժերին դիմակայելով», - ասել է Նեթանյահուն: 

Իսրայելի վարչապետն ուղղակիորեն չի պատասխանել այն հարցին, թե արդյոք Իսրայելը պատրաստվում է հարձակվել Խամենեիի վրա, սակայն ասել է, որ իր երկիրն անում է «այն, ինչ անհրաժեշտ է»:

Իրանի դեմ Իսրայելի գործողությունը ոչ միայն խնդիր է Թեհրանի համար, այլև ազդում է ողջ տարածաշրջանի վրա: Այս մասին կառավարության նիստից հետո ունեցած ելույթում ասել է Թուրքիայի նախագահ Ռեջեփ Թայիփ Էրդողանը։

«Իսրայելը չի ​​գիտակցում իր թույլ տված սխալը: Մեր հին աշխարհագրության մեջ ոչ մի երկիր սահմանափակված չէ իր սահմաններով և վարչակազմով: Տարածաշրջանի յուրաքանչյուր միջադեպ սերտորեն մտահոգում և ազդում է տարածաշրջանի բոլոր հասարակությունների վրա և ունի միջնաժամկետ և երկարաժամկետ հետևանքներ: Պաղեստինի ժողովրդի վրա հարձակումը չի սահմանափակվում այնտեղ ընդամենը մի քանի միլիոն բնակչով:

«Ամեն օր ավելի պարզ է դառնում, որ Իրանի միջուկային օբյեկտներին հարվածելու պատրվակով Իսրայելի հարձակումն ավելի մեծ և նենգ նպատակներ ունի: Իսրայելն այդ հարձակումներն իրականացնելիս գործում է Արևմուտքի անսահմանափակ աջակցությամբ և իրեն ագրեսորի պես է պահում»,-ասել է Թուրքիայի նախագահը:

Էրդողանը նշել է, որ հունիսի 13-ից ինքը և թուրք նախարարները ակտիվ դիվանագիտություն են վարում:

«Մենք ի սկզբանե նշել ենք, որ Իրանի միջուկային ծրագրի քննարկումը պետք է անցկացվի բանակցությունների սեղանի շուրջ, և այսօր մենք նույն տեսակետն ունենք: Նրա թափած յուրաքանչյուր նոր կաթիլ արյան հետ նա վտանգում է իր սեփական գոյությունը և իր հասարակության ապագան»,- ասել է Թուրքիայի նախագահը։

«Կարծում եմ այսօրվա ԱԺ իմ այցելությունից բոլորին պարզ դարձավ, որ

1. «Հայաստան» խմբակցությունը չի միացել իմպիչմենտի գործընթացին:

2. «Հայաստան» խմբակցության ոչ մի պատգամավոր չի ստորագրել իմպիչմենտի նախաձեռնության տակ: 

3. «Հայաստան» խմբակցության հրապարակված ստորագրությունների ցուցակը նպատակ է ունեցել խաբել, մոլորեցնել ժողովրդին, կեղծ տպավորություն ստեղծելով թե իբր նիկոլին հեռացնելուն դեմ չեն:

4. Ընդդիմադիր պատգամավորների այս գործելաոճը երկար շարունակվել չի կարող, քանի որ հեղինակազրկում է իրենց»:

Իրանը չի հաղթի այս պատերազմում, նրանք պետք է բանակցեն, քանի դեռ ուշ չէ, հայտարարել է ԱՄՆ նախագահ դոնալդ Թրամփը։

«ԱՄՆ-ն աջակցում է Իսրայելին, և այժմ նրանց մոտ ամեն ինչ լավ է ընթանում։ Եթե Իրանն ուզում է խոսել, հիմա ճիշտ ժամանակն է»,- ասել է նա։

Թրամփը նաև նշել է, որ G8-ից Ռուսաստանին հանելը սխալ որոշում էր։

«G7-ը նախկինում G8 էր։ Օբաման և Թրյուդո անունով մի մարդ չէին ուզում, որ Ռուսաստանը մնար այդ խմբում։ Կարծում եմ՝ դա սխալ էր, քանի որ եթե Ռուսաստանը մնար, հիմա պատերազմ չէր լինի»,- ասել է նա։

«Մեծ յոթնյակի» երկրների առաջնորդները հունիսի 15-17-ը գագաթնաժողով են անցկացնում Կանադայի Կանանասկիս շրջանում: Reuters-ը, հղում անելով իր աղբյուրներին, հայտնել է, որ «G7-ի՝ Մեծ Բրիտանիայի, Գերմանիայի, Իտալիայի, Կանադայի, ԱՄՆ-ի, Ֆրանսիայի և Ճապոնիայի, առաջնորդները պատրաստել են Իրան-Իսրայել հակամարտության վերաբերյալ համատեղ հայտարարության նախագիծ, սակայն ԱՄՆ նախագահ Դոնալդ Թրամփը այն չի ստորագրել»։

Գործակալության տվյալով՝ G7-ի առաջնորդներն այդ հայտարարության նախագծում կողմերին լիցքաթափման կոչ են արել, միաժամանակ նշել, որ Իսրայելն ինքնապաշտպանության իրավունք ունի։

Բացի այդ, պատրաստվել է համատեղ հայտարարության նախագիծ՝ կարևորագույն օգտակար հանածոների մատակարարումները պաշտպանելու և ազգային տնտեսություններին աջակցելու մասին։ Սակայն, ըստ Reuters-ի, Թրամփը հրաժարվել է ստորագրել նաև այդ փաստաթուղթը։

Վաշինգտոնը չեղարկել է Ռուսաստանի հետ երկկողմ հարաբերություններում «գրգռիչների» վերացման և դեսպանատների աշխատանքը կարգավորելու վերաբերյալ խորհրդակցությունները: Այս մասին հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, հաղորդում է «Վեդոմոստին»:

«Այսօր ամերիկացի բանակցողների նախաձեռնությամբ չեղարկվել է երկու երկրների դիվանագիտական ​​առաքելությունների աշխատանքը կարգավորելու նպատակով «գրգռիչների» վերացման վերաբերյալ երկկողմ խորհրդակցությունների շրջանակներում հաջորդ հանդիպումը: Հուսով ենք, որ նրանց կողմից վերցրած դադարը չափազանց երկար չի լինի», - ասել է Ռուսաստանի արտաքին գործերի նախարարության ներկայացուցիչը:

Նշվում է, որ ուկրաինա-բրիտանական մեկ այլ սցենարի համաձայն, նախատեսվում է իբր պատահաբար «որսալ» Բալթիկ ծովում ռուսական արտադրության խարսխված ականներ, որոնք, իբր, տեղադրված են միջազգային ծովային ճանապարհին դիվերսիաներ իրականացնելու համար։

ԱՀԾ-ն նշում է, որ Ուկրաինայի ղեկավարությունը Ուկրաինայի Անվտանգության ծառայությանն ու ՊՆ հետախուզության գլխավոր վարչությանը հանձնարարել է ակտիվացնել Ռուսաստանի դեմ մի շարք սադրանքների նախապատրաստական ​​աշխատանքները։

Իրանը պատրաստվում է պատմության մեջ ամենամեծ և ամենաուժեղ հրթիռային հարձակմանը Իսրայելի հողի վրա։ Հրատապ լուրը հայտնում են Իրանի պետական ​​լրատվամիջոցները։

Ավելի վաղ Իրանի Իսլամական Հանրապետությունը տարհանման նախազգուշացում էր տարածել օկուպացված տարածքների բնակիչների համար, որում մասնավորապես ասվում էր․ 

«Տարհանվեք՝ գոյատևելու համար։ Առաջիկա ժամերին Իրանի զինված ուժերը, ինչպես վերջին օրերին Թել Ավիվի տարածքում, կսկսեն գործողություն՝ հարվածելու սիոնիստական ​​ռեժիմի ռազմական ենթակառուցվածքներին։ Ձեր ներկայությունն այդ տարածքում սպառնում է ձեր կյանքին»։

Այսօր՝ հունիսի 16-ին, ավտովթար է տեղի ունեցել Երևանում: Ժամը 13:50-ի սահմաններում Աբովյան փողոցում՝ Ոստիկանության պոլիկլինիկայի հարևանությամբ բախվել են Երևանի բնակիչներ 66-ամյա Կարապետ Մ.-ի վարած, Երևանի քաղաքապետարանի հաշվեկշռում հաշվառված թիվ 54 երթուղու «MAN» մակնիշի ավտոբուսն ու 61-ամյա Ալբերտ Կ.-ի վարած «SAIPA» մակնիշի ավտոմեքենան: 

Ինչպես հայտնում է Shamshyan. com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան: 

Իրանը կոչ է արել տարհանել Իսրայելի Բնեյ Բրակ քաղաքի բնակիչներին։

Իրանը մտադիր է հարվածներ հասցնել այնտեղ տեղակայված ռազմական օբյեկտներին, հայտնել է SNN-ը։

Իրանական մեկ այլ գործակալություն հայտարարում է, որ Իրանը պատրաստ է շատ մեծ հարված հասցնել Իսրայելին։

ԻՀՊԿ մամուլի ծառայությունը իր հերթին հայտարարություն է տարածել․

«Մենք կոչ ենք անում Թել Ավիվի բնակիչներին անհապաղ լքել քաղաքը։

Մենք պատրաստ ենք երկարատև և լիակատար պատերազմի», -ասվում է հաղորդագրության մեջ։