Տորթ տոնածառ

Զարդարեք ամանորյա սեղանն այս հրաշալի թխվածքով
Live24.am-ը ներկայացնում է

1

Մեղրաբլիթներից տոնածառ պատրաստելու համար նախ և առաջ՝ անհրաժեշտ են տարբեր չափերի աստղի տեսք ունեցող կաղապարներ: Եթե չունեք հատուկ կաղապարներ, ապա կարող եք պատրաստել ստվարաթղթից. տարբեր չափերի 10 վեցանկյուն աստղեր, որոնցից ամենամեծի տրամագիծը պետք է լինի 8 սմ:

Խմորը նախատեսված է 2 տոնածառի համար:

Սպիտակուցային ջնարակի պատրաստման համար ցանկալի է օգտագործել լորի ձու: Տորթ «Տոնածառը» զարդարելու համար Ձեզ անհրաժեշտ է սպիտակ շոկոլադ, գունավոր կոնֆետներ և շաքարի փոշի:

եդո

Բաղադրիչներ

Խմորի համար

Ալյուր – 3 բաժակ

Շաքար – 3/4 բաժակ

Մեղր – 0.5 բաժակ

Կարագ – 50 գ

Հավի ձու – 2 հատ

Սոդա – 0.5 թ/գ

Փոշի-համեմունքներ (դարչին, հիլ, իմբիր) – 0.5 թ/գ

Ջուր – 1/4

Լորի ձու (դեղնուց) – 1 հատ

Ջնարակի համար

Լորի ձու (սպիտակուց) – 1 հատ

Շաքարի փոշի – 1 ճ/գ

Պատրաստման եղանակը

Մաղել ալյուրը: Մեղրը, շաքարը, կարագը և ջուրը լցնել կաթսայի մեջ և տաքացնել մինչև 70-75 աստիճան, անդադար խառնել:

Տաքացված խառնուրդի մեջ ավելացնել մաղած ալյուրի կեսը և համեմունքները: Լավ խառնել: Ստացված զանգվածը սառեցնել մինչև սենյակային ջերմաստիճանի, ավելացնել հավի ձվերը, լորի ձվի դեղնուցը, սոդան, մնացած ալյուրը և փափուկ խմոր հունցել: Խմորը պատել փայլաթիթեղով և թողնել 30 րոպե:

Հանգստացած խմորը գրտնակել և ստանալ 0.7 սմ հաստության շերտեր:

Կաղապարների միջոցով աստղիկներ կտրատել:

ֆվդց

Թխվածքաբլիթները դնել յուղաթղթով պատված ջեռոցի տապակի վրա և եփել 8 րոպե 180 աստիճան տաքացրած ջեռոցում:

Պատրաստի թխվածքաբլիթները սառեցնել և զարդարել սպիտակուցային ջնարակով: Երբ ջնարակն ամբողջովին չորանա, սկսել հավաքել տոնածառը:

բսդզֆ

Պատրաստի տոնածառը զարդարել գունավոր կոնֆետներով և շաքարի փոշի ցանել՝ ձյան տեսք ստանալու համար:

սվդզս