Մակրոնը Թրամփին կոչ է արել հնարավորինս արագ դադարեցնել Սիրիայում Թուրքիայի գործողությունը

^{Ֆրանսիայի նախագահ Էմանուել Մակրոնը հեռախոսային զրույց է ունեցել իր ամերիկացի գործընկեր Դոնալդ Թրամփի հետ՝ նրան կոչ անելով հնարավորինս արագ դադարեցնել Սիրիայում Թուրքիայի ռազմական գործողությունը, հայտնում է «ՌԻԱ Նովոստի»-ն՝ վկայակոչելով Ելիսեյան պալատի հաղորդագրությունը:}

^{Ֆրանսիայի եւ ԱՄՆ առաջնորդների զրույցը տեղի է ունեցել ուրբաթ:}

^{«Նա (Մակրոնը - խմբ.) ընդգծել է տարածաշրջանում «Իսլամական պետության» վերստին հայտնվելը կանխելու անհրաժեշտությունը, նրանց աջակցելը, ովքեր մեզ հետ միասին պայքարել են ահաբեկիչների դեմ եւ քաղաքացիական բնակչությանը պաշտապնելը»,- նշված է հաղորդագրության մեջ:}

^{«Հանրապետության նախագահը կոչ է արել հնարավորինս արագ դադարեցնել թուրքական գործողությունը: Ֆրանսիան եւ ԱՄՆ-ն առաջիկա օրերին այս հարցում սերտ շփում կպահպանեն»,- նշված է հաղորդագրության մեջ:}