Ուկրաինայի «Ընդդիմադիր հարթակ հանուն կյանքի» կուսակցության առաջնորդ, ռուսամետ և «Պուտինի քավոր» անունով հայտնի Վիկտոր Մեդվեդչուկի կինը՝ Օքսանա Մարչենկոն, դիմել է Սաուդյան Արաբիայի թագաժառանգ Մուհամմեդ բեն Սալման Ալ Սաուդին՝ խնդրելով օգնել, որ ամուսնուն ազատ արձակեն կալանքից։
Այս մասին հայտնում է ՏԱՍՍ–ը։
Ինչպես նշվում է, Մարչենկոն խնդրել է արքայազն Մուհամեդին հեշտացնել իր ամուսնու փոխանակումը Մեծ Բրիտանիայի քաղաքացիների հետ, որոնք գերի են ընկել ռուս զինվորականների կողմից Ուկրաինայում հատուկ գործողության ժամանակ։ Ուկրաինացի քաղաքական գործչի կնոջ խոսքով՝ Սաուդյան Արաբիայի թագաժառանգը սերտ հարաբերություններ ունի Մեծ Բրիտանիայի հետ, ուստի կարող է ազդել «Լոնդոնում կայացված որոշումների վրա»։
«Դուք կարող եք օգտագործել այդ կապերը և խնդրել Մեծ Բրիտանիայի վարչապետ Բորիս Ջոնսոնին ազդել նախագահ Վլադիմիր Զելենսկիի վրա, որպեսզի նա իմ ամուսնուն փոխանակի բրիտանացի գերիների հետ », - ասել է Մարչենկոն իր կոչում։
Հիշեցնենք, որ Մեդվեդչուկը, որին անվանում են «Պուտինի քավորը», տնային կալանքի տակ էր և Ուկրաինա ռուսների ներխուժման առաջին օրը՝ փետրվարի 24-ին, փախուստի էր դիմել:
Ուկրաինայում նա մեղադրվում է մի շարք հոդվածներով, 2021 թվականի հոկտեմբերին կոռուպցիային գումարվել է նաև պետական դավաճանության մեղադրանքը:
Մի քանի օր առաջ Զելենսկին հայտնել էր Վիկտոր Մեդվեդչուկի լուսանկարին գտնելու և կալանավորելու մասին։:
0Comments