Գիտնականները նշել են երեխաների ճարպակալման հիմնական պատճառներից մեկը

^{Առողջապահության համաշխարհային կազմակերպության (ԱՀԿ) Եվրոպայի տարածաշրջանային բյուրոյի գիտնականները վերլուծել են կապը կրծքով կերակրման եւ երեխաների մոտ ճարպակալման զարգացման ռիսկի միջեւ:}

^{Հետազոտողներն ուսումնասիրել են դպրոցական կրտսեր տարիքի երեխաների առողջության վերաբերյալ տվյալները Եվրոպայի 22 երկրներում: 13,7 միլիոն մարդուց գրեթե 400 հազարը տառապում է վերջին աստիճանի ճարպակալմամբ, իսկ ավելորդ քաշ է արձանագրվել յուրաքանչյուր հինգերորդ երեխայի մոտ:}

^{Պարզվել է, որ այն մանկիկները, որոնց երբեք չեն կերակրել կրծքի կաթով, ենթակա են այդ հիվանդության զարգացման մեծ ռիսկի: Միջին հաշվով երկրների մեծ մասում ընտրանքից մանկիկների 77 տոկոսից ավելին կերակրվել է կրծքով: Բացառություն են կազմել Իռլանդիան, որտեղ կրծքով կաթ չի ստացել նորածինների 46 տոկոսը, Ֆրանսիայում այդ ցուցանիշը կազմել է 38 տոկոս, Մալթայում՝ 35 տոկոս:}

^{«Որքան երկար է երեխան գտնվում կրծքով կերակրման վիճակում, այնքան հուսալի է նա պաշտպանված ճարպակալման առաջացումից»,- նշել է Առողջապահության համաշխարհային կազմակերպության Եվրոպայի տարածաշրջանային բյուրոյի ոչ վարակիչ հիվանդությունների եւ առողջության ամրապնդման բաժնի տնօրեն Բենտե Միքելսենը:}

^{Նշվում է, որ տարածաշրջանում այդ տիպի կերակրման մեթոդները չեն համապատասխանում ԱՀԿ-ի հանձնարարականներին: Մասնագետները պնդում են, որ նորածիններին անհրաժեշտ է կրծքի կաթով կերակրել մինչեւ վեց ամիս, իսկ այնուհետեւ հարկավոր է մտցնել հավելյալ սնուցում՝ շարունակելով կրծքով կերակրումը մինչեւ երկու տարեկան եւ ավելի ուշ, հաղորդել է ՌԻԱ Նովոստի գործակալությունը:}