Ուկրաինայի նախագահ Վլադիմիր Զելենսկին Ալեքսեյ Դանիլովին ազատել է Ազգային անվտանգության և պաշտպանության խորհրդի քարտուղարի պաշտոնից, համապատասխան հրամանագիրը հրապարակվել է երկրի ղեկավարի կայքում։ Դանիլովը պաշտոնավարում էր 2019 թվականի հոկտեմբերից։
Մեկ այլ հրամանագրով Զելենսկին նշանակել է Ազգային անվտանգության և պաշտպանության խորհրդի նոր քարտուղար Ալեքսանդր Լիտվինենկոյին, ով մինչ այդ ղեկավարում էր Ուկրաինայի արտաքին հետախուզության ծառայությունը։ Նրա փոխարեն նշանակվել է Օլեգ Իվաշչենկոն։
Լիտվինենկոն Ուկրաինայի արտաքին հետախուզության ծառայությունը ղեկավարում էր 2021 թվականի հուլիսից։ Մինչ այդ՝ 2014 թվականի ապրիլից մինչև 2019 թվականի օգոստոսը նա զբաղեցրել է Ազգային անվտանգության և պաշտպանության խորհրդի քարտուղարի տեղակալի պաշտոնը։
0Comments