Rolls-Royce-ը ներկայացրել է 31 միլիոն դոլար արժողությամբ Arcadia Droptail շքեղ մեքենան, որի անունը թարգմանաբար նշանակում է «Դրախտ՝ Երկրի վրա»:
Այն ներկայումս աշխարհի ամենաթանկ մեքենան է եւ պատվիրվել է անանուն հաճախորդի կողմից, ով մասնակցել է դրա ստեղծման բոլոր փուլերին:
Դրա նորաոճ եւ շքեղ դիզայնը, որն ունի V-12 շարժիչ եւ 22 դյույմանոց ալյումինե անիվներ, շեշտադրված է փայտյա դիզայնով, ինչով հիշեցնում է զբոսանավի:
Մեքենայի դիզայնում նաեւ առկա է «Rolls-Royce-ի՝ «երբեւէ ներկայացրած ամենաբարդ ժամացույցը»: Վահանակը, ինչպես ներքին այլ հատվածները, նույնպես պատրաստված է փայտից. 8000 ժամ ծախսվել է միայն փայտի մշակման վրա:
Անսպասելի, ավելի անձնական ոգեշնչում է հանդիսացել փայտե հատակագիծը, որը բաղկացած է 233 կտորից:
«Դա կատալիզատոր է հանդիսացել մնացած մասերի համար»,- Forbes-ին ասել է Rolls-Royce-ի Coachbuild-ի ղեկավար Ալեքս Իննեսը:
Arcadia Droptail-ն իր շարքի չորս մեքենաներից երրորդն է: Օգոստոսին Rolls-Royce-ը ներկայացրեց նմանատիպ կարմիր մեքենա, որը ենթադրվում է, որ կարժենա 30 միլիոն դոլար:
0Comments