ԱՄՆ նախագահ Ջո Բայդենը պնդում է, որ իր որդին՝ Հանթեր Բայդենը, ոչ մի վատ բան չի արել։ Այս մասին ԱՄՆ նախագահը հայտարարել է «NBC» հեռուստաալիքին տված հարցազրույցում։
Լրագրողը հարցրել է Բայդենին, թե ինչ ազդեցություն կունենա նրա նախագահության վրա, եթե նրա որդուն մեղադրանք առաջադրվի:
«Նախ՝ իմ տղան ոչ մի վատ բան չի արել։ Ես վստահում եմ նրան, հավատում եմ նրան»,- ասել է Բայդենը՝ ի պատասխան լրագրողի հարցին։
ԱՄՆ դաշնային դատախազությունը քննարկում է Ջո Բայդենի որդուն հարկերից խուսափելու և հրազենի խախտման մեղադրանք առաջադրելու հարցը։ Ինքը՝ Հանթեր Բայդենը, հերքում է հանցագործությունը։
ԱՄՆ եկամուտների ծառայության աշխատակիցը պնդում է, որ Հանթեր Բայդենի դեմ հետաքննությունը տեղի է ունեցել ոչ պատշաճ կերպով։ Գործը վերաբերում է ԱՄՆ նախագահի որդու կողմից սեփական բիզնեսն առաջ մղելու համար ընտանեկան կապերի ոչ պատշաճ օգտագործման վերաբերյալ ընթացող հետաքննությանը:
0Comments