Սպիտակ տունը և ԱՄՆ Կոնգրեսի անդամներն աշխատում են օրինագծի վրա, որը թույլ կտա ԱՄՆ նախագահ Ջո Բայդենին Ռուսաստանին տալ ագրեսոր երկրի կարգավիճակ։ Այս մասին գրում է The Hill ամերիկյան հրատարակությունը՝ վկայակոչելով օրինագծի տեքստը և հանրապետական կոնգրեսականների անանուն օգնականներին։ Ռուսաստանն առաջին պետությունն է, որը կարող է ստանալ այս կարգավիճակը, գրում է Մեդուզան:
Ավելի վաղ ԱՄՆ իշխանությունները մերժել էին Ռուսաստանն ահաբեկչության պետական հովանավոր ճանաչելու Ուկրաինայի խնդրանքը՝ համարելով, որ դա կբարդացնի Մոսկվայի հետ դիվանագիտական շփումները, այդ թվում՝ ուկրաինական պատերազմի ավարտի շուրջ։ Այսպիսով, Ռուսաստանին ագրեսոր երկիր հայտարարելու որոշումը փոխզիջումային դարձավ։
Սակայն, ինչպես նշում են The Hill-ի աղբյուրները, ահաբեկչությունը հովանավորողի կարգավիճակը կմեկուսացնի Ռուսաստանին միջազգային հարթակում և կստիպի ԱՄՆ իշխանություններին պատժել այլ երկրներին նրա հետ համագործակցելու համար։ Իսկ ագրեսոր երկրի կարգավիճակն իրականում նոր սահմանափակումներ չի նախատեսում Ռուսաստանի Դաշնության համար, քանի որ Ռուսաստանի բարձրաստիճան պաշտոնյաների մեծ մասն արդեն պատժամիջոցների տակ է։
0Comments