Պատերազմի ընթացքում Ռուսաստանը Ուկրաինայից 448 հազար երեխա է դուրս բերել, հայտնում է ՏԱՍՍ-ը՝ վկայակոչելով իրավապահ մարմիններում անանուն աղբյուրին։ Նրանցից 11241 երեխա շարունակում է մնալ ժամանակավոր կացարաններում։ Ընդհանուր առմամբ, ըստ ՏԱՍՍ-ի, սահմանը հատել է ավելի քան 2,8 մլն մարդ։ Կեսը եկել է ռուսամետ անջատողականների կողմից վերահսկվող տարածքներից։
Ռուսաստանը օկուպացված շրջաններից երեխաներին դուրս բերելը տարհանում և փրկություն է անվանում։ Ուկրաինան Մոսկվային մեղադրում է օկուպացված տարածքներից երեխաների առևանգման մեջ։
«Քաղաքացիական բնակչության բռնի տեղափոխումը ագրեսոր պետության տարածք, մասնավորապես՝ երեխաների, առևանգման նշաններ ունի», - հայտարարել է երկրի ԱԳՆ-ն 2022 թվականի մարտին: «Նման գործողությունները միջազգային իրավունքի կոպիտ խախտում են»: Որբերի հետ կապված սուր խնդիր կա. Վլադիմիր Պուտինը հրամանագիր է ստորագրել նրանց պարզեցված կարգով ՌԴ քաղաքացիություն տրամադրելու մասին, ինչը հակասում է միջազգային իրավունքին։
0Comments