Ղրղզստանի «Ղրղզժապավեն» պետական հաստատությունն արգելել է Դոնբասի իրադարձությունների մասին պատմող ռուսական երեք ֆիլմերի ցուցադրությունը, հայտարարել է հանրապետության մշակույթի, տեղեկատվության, սպորտի և երիտասարդության քաղաքականության նախարար Ազամաթ Ժամանկուլովը։ Այս մասին հայտնում է ՌԻԱ Նովոստին։
«Կապված ներկայիս միջազգային իրավիճակի հետ, ինչպես նաև հաշվի առնելով Ղրղզստանի Հանրապետության չեզոքության դիրքորոշումը, «Ղրղզսժապավեն» պետական հիմնարկը չեղյալ է հայտարարում նախկինում տրված վկայագրերը և արգելում է ցուցադրել ֆիլմեր Ղրղզստանի Հանրապետության տարածքում»,- գրել է պաշտոնյան ֆեյսբուքյան իր էջում։
Դոնբասի իրադարձությունների մասին երեք գեղարվեստական ֆիլմ ցուցադրելու թույլտվություն ստանալու համար «Հարմոնիա» ռուսական մշակութային կենտրոնը դիմել է Ղրղզժապավենին:
0Comments