COVID-19-ի դեմ պատվաստանյութերի նպատակն ընդամենը հիվանդության ծանր ընթացքից պաշտպանվելն է. ԱՀԿ

Մանրամասներ

LIVE24.AM

Mon, 07/05/2021 - 23:34

Աշխարհ

Կորոնավիրուսի դեմ պատվաստանյութի հիմնական խնդիրն է՝ պաշտպանել հիվանդության ծանր ընթացքից: Չնայած Առողջապահության համաշխարհային կազմակերպության (ԱՀԿ) կողմից հավանության արժանացած դեղամիջոցները չեն կանխում 100 տոկոսով վարակումը, սակայն դրանք ավելի քան 90 տոկոսով պաշտպանում են COVID-19-ի ծանր ձեւից, երկուշաբթի հայտարարել է ԱՀԿ-ի գլխավոր գիտաշխատող Սումյա Սվամինատանը: ԱՀԿ-ի պատվաստման թեմայով նրա մեկնաբանություններով տեսանյութը, Փաստինֆո-ի փոխանցմամբ, զետեղել Է YouTube ծառայությունում:

«Այդ պատվաստանյութերի հիմնական նպատակն է՝ կանխել ծանր հիվանդությունը։ Մենք ցանկանում ենք, որ վարակված մարդիկ առողջանան, այլ ոչ թե դառնան լուրջ հիվանդ», - ասել է Սվամինաթանը։

Նա հիշեցրել է, որ կորոնավիրուսի դեմ պատվաստանյութը կորոնավիրուսով վարակման դեմ պաշտպանության տարբեր մակարդակ ունի։ Կատարված փորձարկումների տվյալների համաձայն՝ մակարդակը «կարող է տատանվել 70 տոկոսից մինչեւ 90 տոկոս», եւ «ոչ մի պատվաստանյութ այս պահին չի պաշտպանում 100 տոկոսով», - ասել է փորձագետը: "Սակայն այն, ինչ վերաբերում է լուրջ հիվանդացման կանխարգելմանը եւ հոսպիտալացմանը, արդյունավետությունը կազմում է ավելի քան 90 տոկոս», - նշել է նա՝ հավելելով, որ պատվաստման դեպքում «ծանր հիվանդանալու հավանականությունը շատ փոքր է»: Ինչպես ընդգծել է Սվամինաթանը, պատվաստումն անհրաժեշտ է, քանի որ այն պաշտպանում է հիվանդության լուրջ ձեւից, ինչպես նաեւ նվազեցնում է վարակի փոխանցման վտանգը:

Ռուսների յուբկա բարձրացնող բասավիկները