«Իմ փոքրիկ Փսալմը շատ անուշիկն է»

Ամերիկյան Keeping Up With the Kardashians իրապատում շոուի աստղ Քիմ Քարդաշյանը հրապարակել է երկու ամսական որդու` Փսալմի լուսանկարը, որը մակագրել է. «Իմ փոքրիկ Փսալմը շատ անուշիկն է»:

Քիմ Քարդաշյանը կրտսեր որդու լուսանկարը հրապարակել է իր 143 միլիոն հետևորդ ունեցող ինստագրամյան էջում: Լուսանկարում փոքրիկը, կարծես, ժպտում է տեսախցիկին, գրում է Daily Mail-ը:

Փոքրիկը նկարում հանգստանում է մարմնագույն ծածկոցի վրա՝ մոր աչալուրջ հսկողության ներքո:

Հրապարակումից կես ժամ անց, նկարը հավանել է ավելի քան մեկ միլիոն մարդ:

Նշենք, որ Քիմի և նրա ամուսնու՝ ամերիկացի ռեփեր Քանյե Ուեսթի փոքրիկը լույս աշխարհ է եկել մայիսի 9-ին՝ փոխնակ մոր միջոցով:

Զույգը, բացի Փսալմից, ևս 3 երեխա ունի՝ 6-ամյա Նորթը, 3-ամյա Սեյնթը և 1-ամյա Չիկագոն: