Սերբիայի ԱԳ նախարար Իվիցա Դաչիչը Կոսովոյին եւ Ալբանիային մեղադրել Բալկաններում համատեղ պետություն ստեղծելու ձգտման մեջ, հաղորդում է AP-ը:
Կոսովոն եւ Ալբանիան հայտարարել են, որ չեն մասնակցի Սարաեւոյում հարավարեւելյան եվրոպական պետությունների գագաթնաժողովին, քանի որ Կոսովոյին չեն մասնակցել որպես ինքնիշխան պետություն:
Դաչիչը գագաթնաժողովի ժամանակ հայտարարել է, որ բոյկոտը «Մեծ Ալբանիայի» ստեղծման՝ Ալբանիայի եւ Կոսովոյի ռազմավարության մի մասն է, գրում է news.am:
Անցած շաբաթ Ալբանիայի եւ Կոսովոյի ԱԳ նախարարները համաձայնագիր էին ստորագրել արտաքին քաղաքականության կոորդինացման եւ արտասահմանում ալբանական դեսպանատների համատեղ կիրառման մասին:
«Պատկերացրեք, եթե նման համաձայնագիր կնքեր Սերբիան: Հավանաբար, ողջ աշխարհը կքննադատեր Սերբիային, սակայն այս դեպքում նրանք ասում են՝ «Լավ է, այս դեպքում ոչ մի լուրջ բան չկա»»,- հայտարարել է Դաչիչը:
Բոսնիայի ԱԳ նախարար Իգոր Ցրնադակը հայտարարել է, որ Ալբանիայի եւ Կոսովոյի բոյկոտը լուրջ հարված է հասցնում տարածաշրջանում համագործակցությանը:
0Comments