ԲԴԽ-ի քվորում չունենալու խնդիրն իշխանություններին չի՞ անհանգստացնում: Խորհրդարանի միջանցքներում այս հարցն են տվել լրագրողները ՀՀ ԱԺ նախագահ Արարատ Միրզոյանին:
«Անհանգստացնում է»,- ասաց Միրզոյանը:
Նա նշեց, որ կան սահմանված կարգավորումներ, որոնք նախատեսում են, թե թափուր մնալու դեպքում ով, ինչպես, ինչ ժամկետներում է առաջադրում թեկնածուներ, նրանք ինչպես են ընտրվում և այլն: Լրագրողների այն մեջբերմանը, որ կա կարծիք, թե այդքան հրաժարականի դեպքում տեխնիկական կազմ կընտրվի, Միրզոյանը պատասխանեց.
«Այնքան բանի մասին այնքան կարծիք կա, համաձայնեք, որ չեմ կարող բոլորը մեկնաբանել»:
0Comments