Նեյմարը Մարսելոյին ասել է, որ ցանկանում է տեղափոխվել «Ռեալ»

^{ՊՍԺ-ի հարձակվող Նեյմարը ցանկանում է կարիերան շարունակել Մադրիդի «Ռեալում»: Այսպիսի տեղեկություն ունի El Chiringuito-ն:}

^{Ըստ աղբյուրի տվյալների՝  27-ամյա հարձակվողն իր ցանկության մասին արդեն հայտնել է Բրազիլիայի հավաքականի իր թիմակից Մարսելոյին, ով հանդես է գալիս «սերուցքայինների» կազմում:}

^{Նեյմարը ՊՍԺ է տեղափոխվել 2017 թվականին «Բարսելոնայից»: Ավելի վաղ տեղեկություն էր հայտնվել, որ բրազիլացին ցանկանում է լքել փարիզեցիների շարքերը և վերադառնալ «Բարսելոնա»: Միևնույն ժամանակ, ՊՍԺ-ն և հարձակվողի հայրը, ով նաև նրա գործակալն է, հերքում են նրա՝ այլ ակումբ տեղափոխվելու մասին լուրերը:}