Ադրբեջանի նախագահի հետ բրյուսելյան եռակողմ հանդիպումը հոկտեմբերին չի կայանա, նա չի հաստատել իր մասնակցությունը՝ Բրյուսելում նախատեսված հանդիպմանը։
Այս մասին ԱԺ-Կառավարություն հարցուպատասխանի ժամանակ հայտնեց ՀՀ վարչապետ Նիկոլ Փաշինյանն՝ արձագանքելով հարցին Բրյուսելում նախատեսված հանդիպումը հետաձգվե՞լ է, թե՞ չեղարկվել։
«Կան աշխատանքային մանրամասներ, որոնք մենք առաջիկա օրրեին Եվրոպական միության գործընկերներից կփորձենք պարզաբանումներ ստանալ և հասկանալ հետագա անելիքների մասին։
Միևնույն ժամանակ չէի ցանկանա շտապել և այդ ամենի մասին գնահատական հնչեցնել»,- ասաց Փաշինյանն՝ արձանագրելով, որ մենք, ինչպես նախկինում, պատրաստակամություն ենք հայտնել մասնակցելու այդ հանդիպմանը։
Հիշեցնենք՝ Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը հայտարարել է, որ հոկտեմբերի վերջին Եվրամիության խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպում տեղի չի ունենա:
0Comments